Syap Kokarauser Wos Refo Ras ḇe Ras naser mnuk ro Refo faro ras ḇe ras warpu farkarkor ḇyena. Wakḇok ro arwo babo bo wawasya na kada, nari nwa kakara ḇepyum ro ras anya ḇesiper ma nbuk samarawraw ḇe Au kukro naser anun ḇepyum ro Refo ya.

Mnuk ma farkarkor ḇyena bisa wawasya na ro swaf risai monda, imboi ḇebor sya simarisen syadi siwasya na ro arwo babo insama bisa skain skarauser na ro ras anya ḇesiper. Auma farḇuk kwar ido, bisa wawos na kayam kuker kina Bansya.

Wamarisen ido, bisa wawasya mnuk ḇero Refo faro ras ḇe ras ine ro ROSASER SYAP ONLINE Baryas, ḇaido bisa wun syap ine eḇe PDF na.