FAKFUKEN RO ROMA INAI BABO
Payamyum Rosai Na Yasmai ro Wos Refo ya?—Bar 2: Swewar fa Wamarisen Wawasya Refo ya
Snonkbor oso ḇenir ḇe Will doḇe, ”Kowasya Refo fasawsaw monda ido, bisa nafrur papum monda”.
Wakfawi roi ḇefrur fa komarisen kowasya Refo ya ke? Nari wafawi roi ine ro awawos nane.
Wawasya monda awer
Wawasen Ausya wakro fawar anya. Wafrur roi ine pan:
Kwinfir fawar oso ro Refo minsai imbe farkor na. Bisa kwinfir fawar oso ro syap Injil ḇaido fawar oso ro Ḇaḇewasya Refo Imnis Drama ḇero jw.org/bhw.
Wawasya fawar ḇyena. Bisa wawasya na ro manggudaw ḇaido warpu bati ma kina karyer Bansya. Oso bisa dawos ḇe ḇeyun fawar anna ma ḇesesya sawos ḇe snonggaku oser-oser ḇero fawar anna
Wafrur nyan nane pan:
Fas fawar anna ḇe sonin. Wafrur na fa nasnai ḇe farfyar sor ḇe komik na. Fas na fa syamswen awer imnis syos ro fawar ḇyena. Wakofenḇair sonin oser-oser kuker wafrur fasfas ḇeknampu ro andir ya
Wafrur roi sor ḇe sketsa. Rupa ra, wawasya fawar ro Yahwe manfamyan Ḇyedi oso ido, fasḇair rari rosai monda fyasnai na ma rosai ifrur na, raimnai wafrur garis oser-oser ḇekur ḇe barakas rosai monda ismai na
Wafrur na raris wakofenḇair abar. Wakofenḇair sarisa ḇyena kam ma wafrur ”awawos” kuker snonggaku ḇero fawar anna ma ḇemam sarisa anna
Wasrow snonggaku ḇero fawar anna dun nyan ḇesasar ido, kwarapan dun nyan ḇepyum kada moḇsa na ḇyerai. Rupa ra, kwarapan moḇ Petrus fyamyun Yesus ani. (Markus 14:66-72) Ipyum ya, rosai Petrus ifrur fafisu ismai farawrowes anya
Imbe wasmai marisen ma wakir syadi wer ido, rosai wawasya ro Refo anya wafrur na ḇe farfyar. Fasḇair kako farkarkor risai imbe wun ro farfyar anna.—Roma 15:4
Bisa wafrur ḇaḇewasya Bena fa nafrur marisen
Mam kaku!
Mam kaku roi kasun ḇero farfyar oso kada, nari wasmai nana arasai ḇeyokef na. Nano ido, wos oser ḇaido suru baken monda bisa nafrur fa farfyar anna nbuk payamyum kaku
Raris, mampan Matius 28:7 ḇo bukikara na kuker Markus 16:7 ya
Rosai ḇefrur fa Markus ikofen wer ḇo doḇe nari Yesus isrow kuker manfamyan ḇyesi ”ma Petrus” i
Akurfasnai: Markus manggundi myam sarisa anya ḇa, mboi ismai kafkofen anya ro Petrus i
Arasai ḇeyokef: Rosai ḇefnai fa kokyar Petrus na iryaḇ kukro ifawi Yesus imarisen isrow kuker i wer? (Markus 14:66-72) Moḇsa kofawi Yesus ima Petrus bati ḇekaku ḇyediri? Moḇsa manggundaw wakfrur ra Yesus i ma ḇejadi bati ḇepyum
Wafrur fa ḇaḇewasya Bena naser marisen ma wasrow roi kasun ḇepyum ro fawar anna ido, na wamarisen syadi ro fafisu wawasya Refo ya
Wamarisen Ido Mam Ine Kako
FAKFUKEN RO ROMA INAI BABO
Payamyum Rosai Na Yasmai ro Wos Refo ya?—Bar 1: Mambir Wos Refo ya
Wasrow kas ḇeser nana arasai ido, imbe wafawi roi sikram ro dori na ke? Refo ima imnis ra kas ḇeser nana arasai kukro naser permata ḇebor, isoine anun ḇepyum.
