Refo ya naser wos anun ḇepyum kaku faro kankenem koḇena. Wawasya Refo ras ḇe ras, kwarauser na, ma wafrur roi wafarkor na ido, Refo doḇe nari wasmai marisen. (Yosua 1:8; Mazmur 1:​1-3) Au kako na wasmai fawawi ḇekur Manseren Allah ma Rumgun Ḇyedi, Yesus i, iso nyan fa kosmai kankenem fyoro ya.​—Yohanes 17:3. ​

Moḇsa warandak ḇaḇewasya Refo Bena rai? Nyan ḇeḇeso naisya. Jadwal ḇaḇewasya Refo ine nari nafnoḇek Au insama wawasya pyum Refo ine syos ḇe syos imnis kuker awawos ḇyena. Rupa ra, bisa wawasya ḇekur moḇ Manseren Allah ifrur pyum er Israel sya. Ḇaido, bisa wawasya ḇekur rariso sidang Kristen iryewen rai ro fafisu awar randak. Wawasya fasal riḇeḇeso ro ras ḇe ras ido, bisa wamnai wawasya Refo ro swaf taun oser.

Swewar jadwal ḇaḇewasya Refo faro ras ḇe ras ke? Ḇaido jadwal ḇaḇewasya Refo faro taun oser ke? Ḇaido, wamarisen fa warandak ḇaḇewasya Refo ma wasewar jadwal ḇaḇewasya Refo fa waso na ke? Jadwal ine nasrow faro Au. Bisa wun ḇaido ḇedownload jadwal ḇaḇewasya Refo ine ma ḇecetak na, mura wawasya ḇeri Refo ya ro ras ḇe ras!