Wun:

• Not Balok

1. 1. Roi imbe wakofen na napyum.

   Ma yamam kako wafrur roi ḇepyum.

   Mboi wos ḇemnis ḇa na nafnai ra

   Sanerine iduf kaku.

   Yafawi waswar aya.

   (REF)

   Rofyor ori ya syun ḇaim,

   Kufarander sasar kuḇena.

   Kwara awer wos yena

   Ma kukain pyum wer.

   Kuswarepen kuḇebati.

2. 2. Yafawi kwar ima roi ḇepyan ḇa.

   Masasor nafnai fa kuḇesisye.

   Fafisu yamam frur pyum bena,

   Yafarander sasar bena.

   Naiso nyan ḇepyum nairi.

   (REF)

   Rofyor ori ya syun ḇaim,

   Kufarander sasar kuḇena.

   Kwara awer wos yena

   Ma kukain pyum wer.

   Kuswarepen koḇeoser.

   (BRIDGE)

   Wis saswar koḇena nari osero imuk na ḇaḇeri.

   Ḇefnder monda sasar ifrur kwar.

   Naiso wis bati ḇekaku.

   (REF)

   Rofyor ori ya syun ḇaim,

   Kufarander sasar kuḇena.

   Kwara awer wos yena

   Ma kukain pyum wer.

   Koḇuk ampun, ro kosnesna,

   Kuker saswar, mgorama koḇuk ampun.