1. Mami sye, Yahwe, Au ḇeba syadi,

Ro nkosnesna ḇesasar ine.

Wafnoḇ’k kandera, marmor nkoḇena,

Buk sneprei nko kuk’r rur ḇesren Bedi.

2. Mami, nkoḇinkwan ro baba Bedi;

Na nkoisya nkoḇor nkoḇerari.

Yahwe, nkor ḇe Au, warower inko.

Buk rur ḇesren Bedi fyarkin pdef nko.

3. Rofyor nkoryar ḇa, nkoḇesanekar,

Papoik Bena ’frur nkosambraḇ wer.

Swambraḇser inko raris mankankan;

Nkor kaku fa buk rur ḇesren Bedi.