DOYA 105
’Allah Ima Isaswar’
-
1. Allah saswar dor kokam fa
Koso pyum ro nyan Ḇyena.
Ras ḇe ras kombran kuk’r saswar
Ḇe Allah ma ḇesesya.
Snar saswar ḇekaku iso
Knam ro kankenem ine.
Saswar ḇemnis raris Kristus;
Kofasnai na ḇesya kwar.
-
2. Saswar Allah ma napnapes,
Nadif kenem koḇena.
’Fyor kosapi na ifnoḇ’k ko;
Papoik Ḇyedi kyanow ko.
Saswar isren ’sasurem ḇa,
Fyasnai frur pyum ma fyarmku.
Koswar naek srar koḇesi,
Nari kosmai marisen.
-
3. Fafko bena nafnai awer
Fa wakram masasor ya.
Wor kaku faro Allah fa
Wafawi p’renta Ḇyena:
Koswar Allah ma ḇesesya,
Naiso roi ḇepyum kaku.
Kofasnai saswar ro Allah
Kuk’r myaren ma payamyum.
(Mam kako Mrk. 12:30, 31; 1 Kor. 12:31–13:8; 1 Yoh. 3:23.)