1. Tuan Yesus Kristus, manfarkin ḇeba;

Imewer fyaḇri ma dararer indi.

Allah ḇyuk ḇe i fararur ḇefandun;

Ḇape, sneri ikaki ḇa ḇesya kwar.

2. Faro mansei ḇembrus ma ḇemor syakam,

Yesus ikof’n fa ḇyar pyan kamnam seja.

Rofyor sisewar Karajan na siprei.

Ḇemyaren asuser sya imaris’n si.

3. Yesus doḇe, ’kokam mambekanaek.’

Kakfasnai sne ḇerun raris Yesus i.

Sne myaren asuser Allah iswar si.

Ḇyeasas snar nari sewaris supswan.