DOYA 14
Kosandik Raja Babo faro Supswan
-
1. Kawasa sibor sya sramaker
keret ma er ḇebor,
Kristus iso ḇefanjur si
ma sidang ḇesmai ramrem.
Karajan Allah dores kwar;
Konadi insa ndarirya.
Saneraro ine ipyum ra,
Snar nbuk aski ma marisen.
(REEF)
’Sandik Yahwe ma Rumkun Ḇyedi ’sof fyoro
robo Raja ma Tuan syakam.
Ro fyor ine kokunem faro i,
Ma kosandik i monda.
-
2. Koḇansuba Kristus Raja,
kobras kuker marisen.
Ima Manfun Ḇeyun Aski
nari dun fasaspar ya.
Marasrisen ḇeba isya:
Makakak, kandera, noḇa;
Ras faro ḇemar sya fa siken’m.
Fafisu marisen ḇeba!
(REEF)
’Sandik Yahwe ma Rumkun Ḇyedi ’sof fyoro
robo Raja ma Tuan syakam.
Ro fyor ine kokunem faro i,
Ma kosandik i monda.
