DOYA 150
Swewar Allah Insama Fyaspar Au
-
1. Er syakam sḇeoser,
Sima sembroḇ Rumkun Rak.
Swaf ḇaḇepapoik sena
Isof ro pember ya kwar.
Ras sena namnai kwar;
Karajan Allah dores.
Knik wer Kristus kyakok mbroḇ ḇyesi.
Na isusu ḇaḇeri.
(REEF)
Swewar Allah ’nsa fyaspar au,
Wakyar ḇe I insamaido.
Wuf napnapes ya,
Ma soasuser,
Wasnefer ḇe papoik Ḇyena.
Nari Allah ḇyuk fasaspar
Kuker samambraḇ.
-
2. Snonkaku sya skinfir
Fa sun ankinem ḇeḇye.
Na sino sisya simewer
Ḇaido sino s’marisen.
Fafrowes na naisya,
Ḇape komkak awer na.
Yahwe isya na ifnoḇek ko;
Iswar ḇesouser sya.
(REEF)
Swewar Allah ’nsa fyaspar au,
Wakyar ḇe I insamaido.
Wuf napnapes ya,
Ma soasuser,
Wasnefer ḇe papoik Ḇyena.
Nari Allah ḇyuk fasaspar
Kuker samambraḇ.
(Mam kako 1 Sam. 2:9; Mz. 2:2, 3, 9; Ams. 2:8; Mat. 6:33.)
