1. Snar syowi ma saswar ḇemnis,

Kristus dado ḇe supswan ’ne.

Ifnoḇ’k ko kuk’r wos ma

Rosai ifrur na,

Ḇyuk oras ma saswar ḇyedi.

Imaris’n ḇyuk pararei ḇe

Ḇeduf, ḇeproi, ma ḇepraf sya.

Imyar’n fyararur ma fyafayaf ḇa

Rarirya doḇe, ”Yamaris’n.”

2. Baboine kosewar kaku

Fa koso mnis nyan ḇyena kam.

Koswar ma kofrur pyum

Snonkaku syakam;

Kofnoḇ’k si fa saksouser.

Komam si rofyor sefandun,

Ḇape kawos monda awer.

Faro kabom ma awak param sya,

Kakkofen yoḇ si, ”Yamaris’n.”