1. Allah Yahwe, sye Mami nkoḇedi,

’Rirya kada snombri ismai sanandik.

Marisen Bena kam ndarirya.

Nkonadiwarek Karajan Bedi.

Rarirya maris’n Bena,

Nun barakas ḇe inko.

2. Kasumasa Yahwe snar roi buk kwar,

Sasuref ro Au—nkopok nkokor na ḇa.

Au ḇeḇuk kenem ma sananai,

Buk muma ḇe nko, fawawinanem.

Nkokofen kasumasa

Nkosandik Au ras nakam.

3. Kenem ine, nafo kuk’r kandera.

Nkorir kakyar ma ken’m nkoḇena ḇe Au.

Mami, bar roi ḇemarḇak ine.

Buk marisen ma samambraḇ ḇe nko

’Nsa nkofrur maris’n Bena,

Nkofrur asas nkoḇena.