1. Waswasen ro sne ayedi,

Ma kakara ayena kam

’Rirya nbuk maris’n Au, Tuan.

Swambraḇ aya ro nyan Bena.

Rofyor yaḇor yaḇerari,

Ro roḇ yaḇor yenef rari,

’Rirya yawasen Au monda

Ma roi ḇepyum ma ḇenapes.

2. Roi ḇenapes ma ḇepyum kam,

Ma roi ḇesren rosai monda,

Roi ḇemnis insa yawos na

Rarirya nbuk aski kada.

Kakara Allah nesyowi!

Nakam nabor fafayaḇa.

Na yawasen wos ’sren Bena,

Yakram na ro sanerido.