1. Indo kofararur ḇe Tuan,

Komnaf ma kosouser I.

Isya ifnoḇek ma fyarkin ko;

Farkarkor ḇyena nfasnai nyan.

Mor napnapes ya syambraḇ fa isur

Ro sne ḇenapes ma ḇemnis.

Inja, koḇuk ’pyum syadi ro fararur

Fararmyan koḇena ḇe Allah.

2. Na kosmai bon nabor ke roḇa,

Nanema ndramuma ro ko.

Fandun fa kofnoḇ’k si insama

Sfarkor, siswar roi ḇekaku.

Kofnoḇek si fa sisaw’n makakak

’Nsa simbran pyum ro nyan sena.

Nari koryaḇ fyor komam mor napnapes

Isur ma ḇyuk bon ro ras ḇe ras.