DOYA 78
’Koḇuk Farkarkor ro Allah Wos Ḇyena’
-
1. Koḇukfarkor Wos ro Allah,
Na kosmai marisen.
Barakas ḇewarpui na
Nama naba syadi.
Koso pyum Yesus nyan ḇyena
Ḇyukfarkor kuk’r saswar.
Kofnoḇek ḇesesya insama
Sakfanam ḇe Allah.
-
2. Snar koḇe guru Wos Refo,
Kofrur roi ḇenapes,
Insa snonkaku syakam smam
Sananai ro Allah.
Komyaren kofarkor Refo,
Snar ankinem isya.
Inja korwas arasai ine,
Ma ’farkor mankunko.
-
3. Rosai koḇukfarkor nakam,
Yahwe fyasos pyum na.
Inja kor ro nadi yoḇ I,
Insama ifnoḇ’k ko.
Koswar kaku Wos Ḇyena snar,
Kofawi nakaku.
Raris saswar koḇuk kwar, nari
Sakḇe guru kako!
(Mam kako Mz. 119:97; 2 Tim. 4:2; Tit. 2:7; 1 Yoh. 5:14.)