Mampan roma mkun ro sonin ine. Rya demir ma imkak. Ro ras oso ḇebabir wakmkak radine ke?— Snonkakusya kam fafisu oso sakḇe radine kwar. Refo ya fyawar kuk’r Yahwe bati ḇyesi ro fafisu oso simkak kako. Oser ya iso Elia i. Rwama kufarkor fawar ḇyeja.

Elia ima ikenem ro Israel rofyor Yesus ḇyeḇeaḇen ḇaim. Fafisuya snon ḇeḇepoik ro Israel iso raja Ahab i. Ahab kuk’r swa ḇyedi Izebel, susyom faro Yahwe I ba, ḇape susyom allah ḇekaku ba iso Baal. Iryanja snonkaku Israel sibor sakso ro samsyom be Baal ya. Ratu Izebel ḇyeḇarḇor kaku. Inja imbe myun ḇesyom faro Yahwe I syakam. Imbe myun Elia i kako! Ramnai, rosai Elia ifrur ya?—

Elia ifrar bur be moḇ ḇeḇeurs ma ryadofe ro aḇyaḇ oser. Karkara bedi ido, rosai  ḇefnai fa ryadofe?— Snaro imkak. Ro fafisu oso Yahwe fyasna kwar samambraḇ Ḇyeja be Elia i. Inja, inema fandun fa Elia imkak awer. Imnis raris, ro fafisu oso Yahwe kyarem Elia nadi ḇyeja kuk’r ḇyuk for ro farsyos boiyaswa dado ro barpon ḇyedi. Kirine kako bisa Yahwe ifnoḇ’k Elia i!

Rofyor Elia ryo aḇyaḇ ya, Yahwe ifuken be i, ’Rosai wafrur ro dine?’ Elia kyarem, ’Yamkak smun aya snar yemir monda ḇesyom faro Au.’ Elia doḇerada snonkaku ḇesesya ḇesyom faro Yahwe I, smun sikam kwar. Imbape, Yahwe ḇyuk kakyar ḇe Elia i, ’Oroba, snonkaku ḇesesya ḇesyom faro aya sbe 7.000 sisya kaker. Wamkak awer, snar fararur nabor ḇese nasya fandun fa wafrur na!’ Karkara bedi ido, rofyor Elia ryower roi ine imarisen ke?—

Farkarkor rosai wun ro Elia fafyar ḇyedine?— Fandun fa wamkak awer snar wemir. Wasmai bati ḇeswar faro Yahwe ma ḇeswar faro au kako. Syadi ya, Yahwe ima syambraḇ kaku ma imarisen ifnoḇek au! Inja, kakuya wemir monda ba. Ine nafrur fa wamarisen ke?—