FARKARKOR 3
Rakhab Ikyar Faro Yahwe
Wawasen kada ro fafisu ya wakro mnu beba Yerikho. Mnu beba ine kyain ro sup Kanaan. Kawasa ḇekain ro moḇ inensya sikyar faro Yahwe I ba. Bin oser ḇyar’k ro moḇ ine snori iso Rakhab.
Fafisu Rakhab ibaba mkun, ryower fafyar nabor kuker snonkaku Israel sya. Imnis raris, ryower Musa fyarkin snonkaku Israel sya fa sisae ro sup Mesir ma simbrannuk ro soren ḇerik ya. Ryower kako snar Yahwe ifnoḇek si fa sikfis bur ro mamamun beba ya. Ma rofyor ya, srower snonkaku Israel sya sifrur kemah fanam be Yerikho!
Rakhab iyofek snon ansuya snar ikyar kaku faro Yahwe
Ro roḇ oso, snon Israel risuru susun fasis be Yerikho fa sumam rosai sifrur ro diwa. Suraḇe Rakhab rum ḇyeja. Ramnai, Rakhab dor su fa suḇarek ro rum ḇyeja. Ro roḇ anya kako, Raja Yerikho ismai abar, snar snon Israel risuru susun ro Yerikho ma susya ro Rakhab rum ḇyeja. Raja iwan fasaw manwawan ḇyesya fa sra sforsu. Ḇape, Rakhab iyofeksu ro rum ḇyeja boya. Ramnai dawos be Raja manwawan ḇyesi, ’Kaku insanja surama bedine, mboi susae kwar. Mkoyawuser fasaw su kada nari mkofor su!’ Karkara bedi ido, rosai ḇefnai fa Rakhab iyofek snon ansuya?— Snar ikyar faro Yahwe ma ikyar kaku nari Yahwe ḇyuk sup Kanaan faro snonkaku Israel sya.
Rofyor snon ansuya susae ro Rakhab rum ḇyeja ḇaime, sukofen kaku snar fafisu Yerikho na sopri, nari Rakhab ma kina ḇyesi sismai faspar. Ḇape, suyor fa Rakhab ifrur roi oso. Wafawi rosai rirya?— Sukofen, ’Kaḇrai ḇerik ine fandun fa kwaf na ro jendela bedi. Wafrur rarirya ido, nari mkokame ro rum beja mkosmai faspar.’ Rakhab ifrur na imnis rariri. Ramnai, rosai ḇeḇejadi ya?—
Yahwe ḇyuk fasaspar faro Rakhab ma kina ḇyesi
Ras ḇeḇeso ramnai, snonkaku Isarel sya sores pampam ma siyar ro mnu beba ani ḇape sifasis kaku. Siyar mnu beba ani kali oser ro ras oser, ma sifrur na ro swaf ras riwonem. Ḇape, ro ras ḇefik ya, siyar kali rifik ro mnu beba ani. Ramnai siyuw naba kaku. Rofyor ya beri, Yahwe ifrur fa ayar mamun ḇero mnu beba ani kyarḇaken. Ḇape, rum moḇ kabrai ḇerik ani kyaf roya kyarḇaken ba. Mam ro sonin ine kada, rum ḇyeja iso?— Imbo, Rakhab ma kina ḇyesi sikame sikfis bur ro mamamun ya!
Farkarkor rosai wun ro Rakhab farfyar ḇyeja?— Rakhab ikyar faro Yahwe I snar ryower kwar Yahwe samambraḇ Ḇyeja. Kirine wafarkor kuker Yahwe samambraḇ Ḇyeja. Au kako wakyar faro Yahwe I ke?— Ipyum kaku!
