Wasoasuser sinan besuya pdef ke?— Imbude, kosoasuser sinan kobedi inema roi ḇepyan ba. Roi wafawi ya Yesus ima isoasuser pdef faro Yahwe ma sinan ḇyesuya ke?— Rofyor wasya fafyar kuk’r Yesus i ido, imbude kwara ine napyan ba rariryano nari wasoasuser syadi faro sinan besuya. Rwama, kumam fafyar ḇyeja.

Rofyor Yesus ikenem ro supswan ine ḇaim, ikenem ro nanki kuk’r Kmari, Yahwe I. Rofyor ikenem ro supswan, nya sinan kako. Sinan ḇyesuya snonsnon suḇena iso Yusuf ma Maria. Rariso nyan ḇyeja inja suḇesinan faro Yesus i?—

Ro randak ya, Yesus ikenem ro nanki, mboi kuk’r mukjizat, Allah dun i ma ryir i ro Maria sneri. Kuker nyan ine, Yesus ḇyeḇeaḇen ma ikenem ro supswan ine. Yahwe I monda ḇefrur mukjizat beradirya! Ramnai, Maria dores Yesus i fa iba ro sneri, imnis raris kapira ḇesesya. Ro swaf paik risiw ramnai, Yesus ḇyeḇeaḇen. Fafyar ḇyeja ryariri isof Yesus ḇye romawa ro Maria ma Yusuf su.

Yesus iswar kaku Kmari, Yahwe I. Rofyor ḇyeumur 12 taun, Yesus fyasnaiḇair saswar ḇyeja. Fafisu ya, Yesus ma kina ḇyesi skoraḇe Yerusalem fa skofrur Paskah. Marandan skoḇeja binkwan fafayaba. Rofyor Yusuf ma Maria subur, ro marandan ya insape sufawi snar Yesus iso warpu suba. Karkara bedi ido, Yesus ryoiso?—

Yusuf ma Maria sumbran fasawsaw be Yerusalem ma susewar Yesus i. Sumkak kaku snar susrow Yesus i ḇaime. Imbape, ras rikyor ramnai susrow Yesus i. Isya ro bait! Rosai Yesus ifrur rodiwa?— Fyarkor fa ifawi, Kmari Yahwe I. Iswar kaku faro Yahwe I, ma imarisen syewar fa ifawi rariso nyan ya, insama ifrur fa Yahwe imarisen. Ma, rofyor iba kwar kako, Yesus isoasuser pdef faro Yahwe I. Rofyor ismai kandera rariryano Yesus isoasuser pdef. Yesus isoasuser kako faro Yusuf ma Maria su ke?— Imbo, Refo ya doḇe, isoasuser faro su.

Rosai na wafarari ro Yesus i?— Ine napyan ba rariryano, fandun kaku fa wasoasuser faro sinan besuya. Inja, wamarisen wasoasuser faro su ke?—