Faro Naek ma Srar ḇeswar Allah Yahwe I ma Wos Refo ya,

Yesus ikofen ḇo doḇe, ”Nari mkofawi kakaku, ma kakaku ani nari ifrur fa mkomkei.” (Yohanes 8:32, Terjemahan Dunia Baru [NW]) Mkoswarepen kaḇer randak mkorower kakaku ro Refo ya! Nkokyar na mkomarisen kaku kukro dunya ine ifo ankarkar ḇesyaḇo mkoma mkofawi roi ḇekaku na.​—2 Timotius 3:1.

Allah Yahwe ima imarisen fa kofawi kakaku ya. Ma koswar min koḇesi ndari, komarisen kokofenḇair kakaku ine faro kawasa sya. Mboi, ine monda nasrow ḇaim. Kosewar sambraḇ kako fa kokenem pyum ḇe snonkaku Kristen kukro koḇesyowi kaku Yahwe wos farkin Ḇyena. Yesus ikofenḇair ḇe ko moḇsariso kofasnai saswar koḇena faro Sinan I rai. Yesus doḇe, ”Rofyor mkoḇeuser [parenta] ayena ido, nari mko kain ro saswar ayena, imnis raris yaḇeuser Mami [parenta] ḇyena rarirya yakain ro saswar ḇyedi.”​—Yohanes 15:10.

Yesus iswar kaku Kmari, ma ifrur rosai Kmari iwan faro i nakam. Inja, kakfrur raris Yesus i ro kenem koḇena kada, nari Yahwe dakswar ko. Nari koḇeaski raris moḇ Yesus ikofen raya, ”Rofyor mkofawi roi nane kam kwar, ma rofyor mkofrur na ido, aski faro mko.”​—Yohanes 13:17.

Iḇye kada, syap ine ifnoḇek mko fa mkakḇebati kuker Sinan I ma mkofrur roi ḇekaku raris rosai Refo ikofen na. Nkoine nkoḇenadiwarek mko ḇesya kwar insama mkoswar syadi Sinan I ma ”mkokenem ḇesya kwar ro fadadiren Allah saswar ḇyedi . . . nari ḇeḇuk kankenem ḇekaku ḇekain fyoroya”.​—Yudas 21.