Allah imarisen kaku insama snonkakusya kam sismai kankenem ḇepyum ro supswan ine. Snaro iswar snonkakusya kam, inja Ifrur supswan ine ma roi ḇeroi nakam faro snonkaku. Fyoro werḇa, nari ḇyuk faro snonkakusya kam kankenem ḇepyum kaku ro fafisu iyama. Ma nari ipyos roi ḇefnai kandera na.​—Wasya Yeremia 29:11.

Ḇaḇesasoser snonkaku nefyai ḇa fa ḇepyos roi ḇemaḇak, dafduf, ḇaido marmar ya. Mḇoi ankankinem ḇeḇye iso nari Allah fyadwer ḇaḇesasoser snonkakusya kam kuker ḇaḇesasoser Ḇyedi. Kawasa ro ḇaḇ ḇaḇesasoser Allah ḇyedi nari sismai ḇaḇeaski ma pararei.​—Wasya Yesaya 25:8; 33:24; Daniel 2:44.

Kandera na napromes rofyor Allah ipyos snonkaku ḇemaḇak sya ro supswan ine. (Zefanya 2:3) Fafisu risai na ndarirya? Roi ḇeḇarḇor komam ro ḇaḇoine nawyae kankenem snonkaku sya, inema neḇeyap kwar ro Refo ya. Roi nane nfasnaḇadiro fyoro werḇa Allah na ipyos nakam.​—Wasya 2 Timotius 3:1-5.

Fandun fa kofarkor kuker Allah I ro Wos Sren Ḇyedi. Refo ya imnis raris syap oso ḇerama ro kma ḇena saswar. Inja kofarkor Refo ya ido na kofawi nyan fa kosmai kankenem ḇepyum ro fafisu ine ma kankenem fioro ro supswan, ro fafisu iyama. Ḇape, snonkaku sisya simewer ono srama sifnoḇek ko fa kofarkor Refo ya. Ḇape, fandun fa koswarepen, nari kosmai kankenem fioro ḇa ro fafisu iyama snaro kofarkor Refo ya ḇa.​—Wasya Amsal 29:25; Fasasna Faro Yohanes 14:6, 7.