Farkarkor ḇeknam ro Refo ine nafrur fa Waswar kaku Yahwe I, inja fandun fa fasnaḇair saswar ya. (1 Petrus 2:2) Rofyor Wafarkor pdef Refo ya, nari ḇebati kuker Allah ma Wasmai saneraro kankenem fioro.​—Wasya Yohanes 17:3; Yudas 21.

Rofyor Wasmai farkarkor nabor kwar kuker Allah, kakyar ḇedi na iḇa syadiwer. Kuker kakyar ya, na wafrur Allah imarisen. (Ibrani 11:1, 6) Kakyar ani iso ḇedif Au fa wambror ro sasar ḇena ma wafrur roi ḇepyum ro kankenem ḇedi.​—Wasya Farfyar Ro Manwawansya 3:19.

Komarisen kaku fa kofawar ankakinem ḇeḇye kofarkor kwar na faro snonkaku ḇesesya. Rofyor Wafarkor pdef Refo ya, na ḇuk Refo ya fa Wakofenḇadir kakyar ḇedi kuker Yahwe ma ankankinem ḇeḇye ya.​—Wasya Roma 10:13-15.

Saksi-Saksi Yahwe simarisen fa sfawar ankankinem ḇeḇye faro bati ma kina sesya. Kuker fawawi ḇepyum, Wakofen awer agama sena nsarar. Mḇoi, fawar asas Allah ḇyena faro si. Fandun fa Waswarepen, snonkaku sya simarisen rari ḇepyum kofasna ro kenem koḇena ipyum syadi ro rosai kawos monda na.​—Wasya 2 Timotius 2:24, 25.

Snaro Wafarkor Refo ya, na Wasmai ḇaḇebati ḇefanam kaku kuker Yahwe ma nari Waksun ro kina Ḇyedi ma fanam syadi ḇe I.​—Wasya 2 Korintus 6:18.

Rofyor Wafarkor pdef Refo ya ido, na mambir pyum rosai ḇekaku ma ḇesasar ya. (Ibrani 5:13, 14) Wamarisen ido, wor Saksi Yahwe oser fa ifnoḇek Au ma ḇyuk farkarkor Refo ya kuker syap Rosai Refo Fyarkor Ḇeko? Snar Wafarkor Wos Sren Allah ḇyena ido nari wasmai kankenem ḇepyum.​—Wasya Mazmur 1:1-3; 73:27, 28.

Ankankinem ḇeḇye iso ḇerama ro Yahwe, Allah ḇena aski. Nari ḇebati kuker Yahwe I rofyor fanam ḇe kawasa Ḇyesya. (Ibrani 10:24, 25) Rofyor Wafrur pdef Allah marisen ḇyena ido, nari Wasmai kankenem ḇekaku ya, iso kankenem fioro. Koḇebati kuker Allah iso roi ḇefandun kaku ro kankenem koḇena.​—Wasya 1 Timotius 1:11; 6:19.