FARKARKOR 13
Rosai na Ḇeḇejadi Ro Agama na?
1. Agama nakam napyum ke?
Snonkaku ḇena sneḇeasuser sya sisya ro Agama nakam. Ḇape, roi ḇebor ḇeḇarḇor sifrur na kuker snonsnon agama. (2 Korintus 4:3, 4; 11:13-15) Komam kada, agama ḇeḇeso sisya siso ro terorisme, mamun snonkaku, mamamun ya, ma ḇefrur susa romawa sya. Roi nanekam nafrur sneso snonkaku ḇekyar faro Allah. Mboi, ankankinem ḇeḇye ya isya, iso Allah myamyoḇ ma iswar si!—Wasya Matius 24:3-5, 11, 12.
Agama ḇekaku ya sisandik Allah. Ḇape, agama ḇekaku yaḇa ḇyuk farkarkor ḇeḇesebur rosai Refo fyarkor na, raris farkarkor ḇekakuḇa kuker Allah ma snonkaku ḇemar sya. Nane nafrur fa Allah imarisen ḇa, snaro Yahwe imarisen snonkaku sya sfarkor ma sifawi napnapes ya.—Wasya Yehezkiel 18:4; 1 Timotius 2:3-5.
2. Rosai na ḇeḇejadi ro agama na?
Allah Imarisen ḇa kuker agama ḇeyap siswar I ḇape sifrur ibiris marisen ḇyena. (Yakobus 4:4) Refo dap agama ḇekakuḇa nakam ḇe ”Babilon Ḇeba”. Babilon iso bendar oso ro fafisu awar iwara moḇ agama ḇekaku yaḇa seknam ro diya rofyor farbruḇ ḇeḇa ya imnai kwar. Fyorowerḇa Allah na myunpres agama ḇekaku ḇa, ḇefrur susa snonkaku sya.—Wasya Fasasna Faro Yohanes 17:1, 2, 5, 16, 17; 18:8.
Mboi Ankinem ḇeḇye oser isya wer, iso Yahwe nari ḇyefnder ḇa snonkaku ḇesouser ḇape sisya kaker ro agama ḇekaku ḇa ro supswan ḇesiper ine. Kuker farkarkor napnapes ya ifnoḇek si fa sisaebur agama ḇekakuḇa na.—Wasya Yohanes 6:45.
3. Snonkaku ḇesouser sya rosai fandun fa sifrur ya?
Agama ḇekaku ya ifrur snonkakusya kam fa seoser ma sikenem pyum
Yahwe myamfaduru kaku snonkaku ḇeswar rosai ḇenapes, Inja iwan si fa sisaebur agama ḇekakuḇa. Snaro siswar Allah I, inja simarisen fa sisaebur agama ḇekakuḇa ma sifrur Allah sne ḇyedi imarisen.—Wasya Fasasna Faro Yohanes 18:4.
Ro randak iwara, ḇar snonkaku ḇena sne ḇesoasuser sya sismai aski snar simnaf ankankinem ḇeḇye manwawan sya sḇaryas kwar na. Sifarkor nyan kankenem ḇebabo ro Yahwe, ine iso nyan ḇeyun ḇe aski ma marisen, ma ḇeḇuk saneraro kankenem fioro. Siso ro babo ine ḇeḇuk farari ḇepyum ḇe ko, snar simnaf ankankinem ḇeḇye ma sifrur ḇepon Allah marisen ḇyena.—Wasya 1 Tesalonika 1:8, 9; 2:13.
Yahwe imarisen snonkaku ḇesae kwar sya ro agama ḇekaku ḇa ma dorsi fa siryur kuker kina Ḇyedi ro agama ḇekaku ya. Nari koḇebati kuker Yahwe, koḇe oser kuker kina ḇyedi, ma kosmai kankenem fioro, rofyor kosouser fararyor Ḇyena.—Wasya Markus 10:29, 30; 2 Korintus 6:17, 18.
4. Rosai ḇefnai fa snonkaku ḇero supswan ine sya na sismai ḇaḇeaski ya?
Agama ḇekakuḇa ya nari isyawer ḇa, snaro Allah na myunpres agama ḇekakuḇa sya. Inema ankankinem ḇeḇye rirya, snar snanokaku syakam sḇeoser ma sisyom ma sisandik Allah ḇenapes ya.—Wasya Fasasna Faro Yohanes 18:20, 21; 21:3, 4.
