FAKFUKEN 3
Nyan ya Rariso Insama Bisa Yawos Pyum Kuker Sinan Ayesuya?
IḆYE KADA ROSAI FANDUN FA WAFRUR YA?
Kwarapan fawar ine: Ro ras rabu roḇ ya. Yulianus, umur ḇyeja 17, insape imnai ro fararur ḇyena ro rum, ma imbe imnaisu fasaw! Ma ḇyen TV ramnai kyain ro kursi.
Ro fafisuya kako, Kmari syun ro kedwa ani, ma myam fafayaf.
”Yulianus e! Auma ḇe nonton ker, nkokyar au fa wafnoḇ’k kasun bedi fa ifrur PR ḇyeja ḇyesyabo. Auma wakofen kwar bo wafrurna ḇa!”
”Yoo dawos wer”, Yulianus isasurem ma imewer ryower.
Kmari fyanami ma doḇe, ”Rosai wakofen ya?”
”Oroḇa, Kamam”, Yulianus dawos ma fyasnai mka ḇefafayaf.
Kmari imsor kaku. ”Wawos naba awer ḇe aya!” Dawos kuker masasor.
Au iso Yulianus ido, rariso insama Au ma kmami mumasasor ḇa?
WAMNAI MA KWARA!
Awawos kuker sinan sya imnis kuker wun oto. Rofyor wasmai roi ḇedwarek ro nyan ido, na swewar nyan ḇesewer.
FARARI OSO:
”Binkbor oso ḇenir ḇe Mince doḇe, ”Samswen kaku fa yawos kuker kma yedi. Fyorno ido rofyor imbe yawos kuk’r i, doḇe, ’Rosai imbe wawos ya?’”
MINCE NYA KANKINFIR RIKYOR.
-
Iyuw naba ḇe kmari.
Mince dawos naba, ”Rwower, ine fandun!”
-
Imewer dawos kuker kmari.
Mince imewer dawoswer samswen ḇyena faro kmari.
-
Iwaf fafisu ḇemnis resari, insape dawos fandun ḇyena wer.
Ḇarpurya insape Mince dawos kuker kmari, ḇaido fyas syapram ḇe kmari kuker samswen ḇyena.
Kankinfir risai wamarisen fa Mince kyinfir ya?
KWARAPAN: Mince kmari ḇyeḇirḇar. Ma kmari ifawi ḇa snar inai ḇyedine ḇyestres. Inja, rofyor Mince kyinfir Kankinfir A ido, nari kmari fyawi mnis ḇa rosai ḇefnai fa Mince dawos naba ḇe i. Imbude kankinfir ine nari nafrur fa kmari imewer ryower rosai dawos na, ma inema fyasnaḇair snar Mince kyunem faro kmari ḇa. (Efesus 6:2) Kankinfir ani nari nun fainda faro su ḇaḇeri.
Rofyor wasmai roi ḇedwarek ido, na swewar nyan ḇesewer. Rarirya kako, bisa swewar nyan ḇese insa mumasasor ḇa
Ramnai Kankinfir B imbude ine nyan ḇepyan fa dunna, ḇape ima nyan ḇepyum ba. Rosai ḇefnai ya? Snar insama roi ḇesamswen ismai ine nandebur i, fandun fa Mince dawos kuker kmari. Insama bisa kmari ifnoḇek i ido, fandun fa ifawi rosai ḇekuri ya. Rofyor ḇyefasis monda ido, nari nun roi oḇa.
Kuker Kankinfir C, Mince imewer samswen ismai ine nafrur fa imnai syewar nyan fa dawos pdef kuker kmari. Ramnai, syewar fafisu ḇese fa dawos kuker kmari. Ma rofyor kyinfir fa fyas syapram ḇe kmari kwar, insape ismai sneprei.
Kuker fyas syapram ine nafnoḇek i fa fyawar mnis rosai imbe ikofen ya. Rofyor kmari iwasya syapram ani, Mince kmari nari ryower rosai imbe ikofen ḇe i ma ine nari ifnoḇek i fa fyawi mnis rosai Mince ismai na. Kankinfir C nbuk fainda risuru faro Mince ma kmari. Fyor dawos ro ḇarpon kmari ḇaido fyas syapram ke, kankinfir risuru suine imnis kuker rosai Refo ikofen ya, ”rarirya komarisen kokenem ro ḇaḇeoser.”
Kankinfir rosai bisa fa Mince kyinfir wer?
Kwarapan nyan oser wer. Kwarapan kako rosai na ḇeḇejadi rofyor Mince ifrurna.
WAWOS AWER ROI ḆEFNAI FA SKARA SASAR ROI KWARA YA
Waswarepen, rosai wakofenna ma rosai sinan Besuya sukara faro Au namnisyae ḇa.
FARARI OSO:
Sinan Bedi ikofen ḇe Au rosai ḇefrur fa wafafayaf ya. Mboi woḇe, ”Aeh, yamewer yawos roi ine.”
Ḇape na roi sinan ḇesuya sukara ya iso, ”Yakyar mu werḇa. Imbe yawos ine ḇe bati yesya monda yamewer yawosna ḇe mu.”
Wawasen wasmai samswen beba kaku ma sinan besuya sukofen sumarisen sufnoḇek Au. Mboi woḇe, ”Aeh, iḇye mura. Na yemir yafrurna.”
-
Rosai sinan besuya sukara ya?
-
Rosai ḇepyum syadi fa wakofen na?
