Ro syap ine, mufarkor nabor kwar wos ḇefarkin ro Refo ine nun payamyum ḇemu ma kina muḇedi. Yahwe Imarisen musmai aski. Ḇyeasas rofyor mufakapon farsamsyom ḇe I ido, ”nari nakaem neḇeḇuk fnoḇek faro mko”. (Matius 6:33) Muḇuk oras muḇedi insama mufanam syadi ḇe Allah, snar Allah Imarisen muḇebati kuker I. Inema fakamaman ḇe snonkaku oser-oser.—Matius 22:37, 38.

ROSAI REFO IKOFEN YA: ”’Nari yaḇe kma faro mko, ma nari mkoḇe romawa maro aya, Allah ikofen rarirya.” (2 Korintus 6:18) Allah Imarisen muḇebati fanam ḇe I. Nyan oser ya ido, kuker nadi. Yahwe dor mu fa ’mkoḇenadi faswef’. (1 Tesalonika 5:17) Allah ima myam kaku rosai mukara ma muḇirḇar na. (Filipi 4:6) Rofyor muḇenadi kuker kina muḇedi nari kina muḇedi sifawi mukyar kaku faro Allah.

Rofyor muwawos kuker Allah, fandun fa murower I kako. Nyan ya iso mufarkor wos Ḇyena ma syap ḇeknam ro Refo. (Mazmur 1:1, 2) Muwasen rosai mufarkor na. (Mazmur 77:11, 12) Nyan ḇese na ido muḇinkwan bur awer farsamsyom Kristen ya.—Ibrani 10:24, 25.

Insama sfesepen muḇena kuker Yahwe syambraḇ, fandun fa mukofenḇadir Yahwe marisen Ḇyena ḇe snonkaku ḇesesya. Rofyor muḇaryas pdef, nari mufanam kaku kuker Yahwe I.—Matius 28:19, 20.

NA ROSAI WAFRUR NA:

• Mufasos pyum oras muḇedi fa muwasya Refo ya ma muḇenadi ro ras ḇe ras

• Murir ro ḇarpon fararur sren kuker kina muḇedi iḇa syadi ro marasrisen muḇena

ROSAI REFO IKOFEN YA: ”Mkofanam faro Allah, ma nari Allah fyanam faro mko.” (Yakobus 4:8) Fandun fa wafasos farsamsyom ro kina Ḇedi fa nambran pdef. Imboi ine monda ḇa. (Kejadian 18:19) Ro kankenem ras ḇe ras, fandun fa Allah isya rofandu muḇedi. Sambraḇser sfesepen kina muḇedi kuker Allah snar mufarkor si kuker Allah ”rofyor kwain ro rum ḇedi ma rofyor marandan ḇena ma rofyor ḇarek ma rofyor wakḇok ya”. (Ulangan 6:6, 7) Muyun snemuk fa mufarari Yosua rofyor ikofen, ”Aya ma kina yedi, nari nkofarmyan ḇe Yahwe I.”—Yosua 24:15.

NA ROSAI WAFRUR NA:

• Muwawos fandandun ma fambroḇ sena oser-oser rofyor farsamsyom ro kina ḇedi