Ḇepon ya, Refo fyawar ḇe ko rosai Allah ifrur ro nanki ma supswan ine. Inja, nane nafnoḇek ko fa kowasenkara roi ḇepyum Yahwe ifrur kwar na. Nwa romawa kwar ido, wafnoḇek i fa ifawi Allah ḇraur Ḇyena nabor fafayaḇa. Wakofenḇair ḇe i snar Allah ifrur snonkaku koine kopyum syadi ro aiwan sya. Ḇyuk samambraḇ faro snonkaku koine fa kawose, kokara, kofrur roi oso, kodisen, ma koḇenadi. Wafnoḇek i samande fyawi Yahwe ima ḇyepoik ma fyawinanem kaku, ma ḇefandun syadi ya iso, Yahwe iswar ḇraur Ḇyena kam, ma ko oser-oser kako.