Fyor Yesus fyasnai mankundi faro manfamyan ḇyesya ramnai, Petrus imarisen fa rya ryaswan ro Danosen Galilea. Tomas, Yakobus, Yohanes ma ḇesesya simarisen sakso kako. Ro roḇ anya ḇesiper, sraswan ḇape sismai in noḇaḇeri.

Arwo ya, smam snon oso dores ro yenandire. Snon ani dor naba faro si, ’Mkosmai in noke? Sikofen, ”Oroḇa beri.” Inja ikofen ḇe si, ’Rarirya ido mkosawen pam mkobani ḇe ḇar raku ro wai ya.’ Fafisu skofrur rarirya, pam ani ifo kaku kuker in sya, inja jadi fa skoyer pam ani ḇe wai ya ḇa. Fafisu ya, Yohanes ifawi ḇeri snon ani iso Yesus i. Ikofen ḇo doḇo, ”[Tuan] irya!” Mura Petrus dado ro wai anya ma imbran munde. Eḇesesya siso ro wai ani fa sakra munde.

Fafisu skora ro yenandir kwar, skomam ryap mamami ma in sya. Yesus iwan fa skorap in sya wer. Ramnai ikofen, ’Mkorama konan.’

 Fyor skonan ra skomnai, Yesus ifuken ḇe Petrus i, ’Waswar syadi aya ke, fararur Beja?’ Petrus kyarem ḇo doḇo, ’Tuan wafawi yaswar syadi Au.’ Yesus doḇe, ’Rarya ido, fan domba-domba yesi.’ Yesus ifuken wer, ’Petrus, waswar syadi aya ke?’ Petrus kyarem ḇo doḇo, ’Wafawi yaswar syadi Au.’ Yesus ikofen ḇo doḇo, ”Wafarandows domba-domba ayesi.” Ine iso kali rikyor Yesus ifuken faro Petrus i wer. Rodia Petrus ḇyesneso kaku. Inja ikofen, ’Tuan wafawi roi nayafa kam. Wafawi yaswar Au.’ Yesus doḇe, ”Wafarandows domba-domba ayesi.” Ramnai Yesus ikofen wer, ”Waso aya” pdef.