Wos Ḇefarkin faro Ḇar 2
Rosai ḇefnai fa Yahwe ḇyuk faḇruḇ ḇeba ya fa myun snonkaku ro ḇepon siwara? Ro randak marandan kankenem snonkaku sya, famfaḇri ḇekur ḇe roi ḇepyum ma roi ḇeḇarḇor naisya. Sino sisya skinfir fa sifrur roi ḇeḇyeḇa, raris Adam, Eva, ma Kain sko. Mboi ḇesesya skinfir fa sifrur roi ḇepyum, raris Habel ma Nuh su. Fafisu anya, snonkaku sibor siḇarḇor kaku, inja Yahwe myunpres si. Ro ḇar ine, nari kofarkor snar Yahwe isya myam rosai kokinfir na, ma nari myam monda ḇa roi ḇeḇarḇor napyos roi ḇepyum na.
RO BAR INE
FARKARKOR 3
Adam ma Eva Susouser faro Allah Ḇa
Rosai ḇefrur fa aiknam ḇero Yaf Eden fadu ya iḇese ro aiknam ḇesena? Rosai ḇefnai fa Eva dan aibon ani?
FARKARKOR 4
Masasor Nafnai Mamun
Allah imarisen faro Habel farsarser ḇyena, mboi Kain ima roḇa. Iso ḇefnai fa Kain imsor fafayaḇa ma ifrur roi ḇeḇyeḇa kaku.
FARKARKOR 5
Nuh Ifrur Wai Ḇeba
Malaikat ḇeḇarḇor ono sisya sfarḇuk kuker bin ḇero supswan ine, roma sesya sibamantar ma simarisen sifrur kandera snonkaku ḇesesya. Roi ḇeḇarḇor naisya ro moḇ nakam. Mboi Nuh dakmnis si ḇa, iswar ma isouser faro Allah.
FARKARKOR 6
Snonkaku Riwar Simkei ro Faḇruḇ Ḇeba
Faḇruḇ ya ḇyeḇesya snar mekem ya dado ro swaf ras ri 40 ma roḇ ri 40. Nuh ma kina ḇyesi sro wai anya dori ro swaf wampasi wambarek oser syadi kwar. Mura simkei, inja sadobur wai ani.
