Wos Ḇefarkin faro Ḇar 8
Yahwe ḇyeḇok Salomo kuker fawawi nanem ḇeba syadi ma ḇyuk fakamaman fa ḇyawes bait. Ḇape, ḇarpur ya muma Salomo ibur Yahwe I. Auma sinan bena romawa ido, fasnaḇair ḇe i Salomo ibur Yahwe I snar ḇyebati kuker ḇesyom ḇe amfyanir sya. Karajan ani ḇyeḇerwas, ma raja ḇeḇarḇor sya sifrur er ani sibur Yahwe I ḇo sisyom ḇe amfyanir. Fafisu ya, ḇebor ro Yahwe nabi ḇesoasuser ḇyesya seḇewayam ma seḇemun. Ratu Izebel ifrur karajan ḇero ḇar wambrur ya sibur kaku Yahwe I. Snonkaku Israel kenem sena naḇyeḇa kaku. Ḇape, Yahwe manfamyan ḇesoasuser ḇyesi sibor sisya, raris Raja Yehosyafat ma Nabi Elia.
RO BAR INE
FARKARKOR 44
Bait faro Yahwe
Allah kyarem Raja Salomo fararyor ḇyena ma ḇyuk fakamaman ḇeba kaku ḇe i.
FARKARKOR 49
Ratu Ḇeḇarḇor Ismai Samamyai
Izebel ifrur aw fa myun Nabot insama ismai yaf anggur ḇyedi! Allah Yahwe myam kaku roi ḇeḇarḇor Izebel ifrur na.
FARKARKOR 50
Yahwe Ifnoḇek Yehosyafat
Raja Yehosyafat ḇyenadi ḇe Yahwe fafisu er-er ḇembroḇ sya siḇe smamunmun Yehuda.