Wos Ḇefarkin faro Ḇar 9
Ro ḇar ine, iser farfyar ro romawa babo, nabi, ma raja ḇefasnai kakyar ḇeba kaku faro Yahwe I. Ro Siria, inai mkun Israel oso ikyar Yahwe nabi ḇyedi na ḇyuk pararei ḇe Naaman. Nabi Elisa ikyar kaku Yahwe nari kyadaun warek i ro sordade ḇembroḇ i sya. Imam Ḇeba Yehoyada ismai roi ḇemun, mboi kyadaun Yehoas ḇebaḇa kaker ya ro kpuri ḇeḇarḇor, Athalia i. Raja Hizkia ikyar Yahwe nari fyaspar Yerusalem, ma imkak ḇa faro wos makakak ro snonkaku Asiria sya. Raja Yosia ipyos sren ḇaḇesamsyom amfyanir ḇero sup ani, ifrur mnis bait, ma fyarkin er ansi fa sisyom kaḇer ḇe Yahwe I.
RO BAR INE
FARKARKOR 51
Mananir Sordade ma Inai Mkun Oso
Inai mkun Israel ikofenḇair Yahwe papoik ḇeba ḇyedi faro bin ifarmyan ḇe i ma mujisat ḇe rarirya.
FARKARKOR 52
Kuda ma Kereta Mamun Ḇesak ro Yahwe
Rariso Elisa manfamyan ḇyedi myam kako ’ḇefnoḇek konsya sibor syadi ro ḇefnoḇek si sya’.
FARKARKOR 54
Yahwe Ḇyekaḇaḇaḇ faro Yunus
Rosai ḇefrur fa in ḇeba ya doren nabi Allah oso? Moḇsa isyae ro i rai? Ma farkarkor rosai Yahwe ḇyuk ḇe i?
FARKARKOR 55
Yahwe Malaikat Ḇyedi Kyadaun warek Hizkia
Ḇembroḇ Yehuda i sya sikofen Yahwe na ipok kyadaun warek kawasa ḇyesya ḇa, ḇape nane nkaku ḇa!
FARKARKOR 56
Yosia Imarisen faro Allah Sasoser Ḇyena
Yosia ḇyeraja ro Yehuda fyor ḇyeumur taun ri 8, ma ifnoḇek kawasa ḇyesi fa sisyom faro Yahwe.
