FARKARKOR 03
Bisa Kokyar Roi Sfas ro Refo ya Ke?
Refo ikofenḇair roi nabor ḇekur payamyum ro ras ḇarpon iyama ma iser wos anun kako. Imbude Ausya wabe wakfawi rosai Refo fyarkor na, fama wakorwanan roi sfas ro Refo dori na bisa wakyar na ke roḇa. Rupa ra kwara radine, ’Inema syap ḇekwar dirya, inja bisa yakyar na ke? Wos anun ḇero Refo ya nbuk payamyum kaker ma rosai ikofen ḇekur ras ḇarpon iyama nari ndarirya kaku ke?’ Snonggaku ḇebor sikyar kaker faro fawar ḇero Refo ya. Rwama kawos roi risai monda ḇefrur fa bisa Au kako wakyar roi Refo ikofen na.
1. Fawar sfas ro Refo nama fawar ḇekaku ke?
Refo doḇe fasfas ḇero dori na naiso wos kakaku ḇesrow kaku. (Pengkhotbah 12:10) Fasfas ro Refo nama fawar ḇekaku nairi kukro sap mnis fafisu ḇyena, moḇ ḇyena, ma snonggaku ḇekenem ro fafisu anya. (Kowasya Lukas 1:3; 3:1, 2.) Manfawawi sejarah ma snonggaku ḇefarkor kenem ro ḇepon siwara soḇe fawar ḇero Refo ya ndarirya kaku kwar.
2. Sfas Refo ine fyoro kwar, mboi rosai ḇefnai fa koḇo wos ḇero dori na namnis kaker ro fafisu ine?
Refo dap ker roi sifawi pyum ḇaim ro fafisu naiwara. Rupa ra, roi ḇekur fawawi dunya. Fafisu manfasfas Refo sya sfas fawawi ḇekur dunya ine, snonggaku ḇebor ḇero fafisu anya sikyar na ḇa. Fama ḇarpur mura, fawawi dunya ḇero baboine nfasnai kaku rosai Refo ikofen na nkaku ḇeri. Inja, Refo naser wos kokyar kaku isof fyoro-fyoro.—Mazmur 111:7, 8.
3. Rosai ḇefnai fa kokyar faro ḇardadi sfas ro Refo ya?
Refo naser ḇardadi * ḇebor ḇekofenḇair ”rosai ḇeḇejadi ḇaim na”. (Yesaya 46:10) Ḇardadi ḇebor na nejadi ḇaim, mboi Refo ikofenḇair mnis ḇepon na kwar. Refo dapḇair mnis kako roi ḇeḇejadi ro baboine. Ro farkarkor ine, nari kawos ḇardadi ḇeḇeso ḇerarirya kwar. Nakam namnis kaku bos ḇeri!
SWEWAR KAKU WER
Mam rariso fawawi dunya nasrow kuker rosai Refo ikofen na. Wawos kako ḇardadi ḇepyum ḇeḇeso ro Refo na.
4. Fawawi dunya nasrow kuker rosai Refo ikofen ya
Ro fafisu naiwara, snonggaku ḇebor sya sikyar ono ḇesyopan supswan ine. Komam VIDIO.
Kokarapan rosai syap Ayub fyas fanam swaf taun ri 3.500 naiwara. Kowasya Ayub 26:7, raimnai kawos fakfuken ine:
-
Rosai ḇefnai fa na kokandor kukro mnuk ine doḇe supswan ine kyaf ro ”moḇ ḇebei”?
Samsam ro ori nafnai fa war ḇero soren naiwa nek ḇe boiyaswa. Mura isabu ḇe mekem ma nadaf wer ḇe soren na. Sifawi mnis ḇaim marandan ro war anine isof ro rya taun utin ri suru naiwara. Kowasya Ayub 36:27, 28, raimnai kawos fakfuken suine:
-
Mnuk ine ikofenḇair nyan ḇepyan fa kofawi marandan ro war ya. Rosai ḇefnai fa komanen kaku roi ine?
-
Mnuk insape wawasya anna nafrur fa wakyar syadi faro wos ḇero Refo ya ke?
5. Refo ikofenḇair ḇepon sarisa ḇefandun na
Kowasya Yesaya 44:27–45:2, raimnai kawos fakfuken ine:
-
Swaf taun ri 200 rofyor mnu ḇeba Babilon imkok ḇaim, rosai mnuk ine dap mnis ḇepon kwar na?
Fasfas sejarah ma ḇesena nfasnai Raja Kores ḇeraker Persia kyakok mnu ḇeba Babilon ro taun 539 MḆ. * Warḇeki nadwarek mnu ḇeba ani. Kores ma sordade ḇyesi sḇe warḇeki anna fa nadaf ḇe moḇ ḇese. Mura, sisun mundum ḇe mnu ḇeba ani kukro kedwa ḇeba ḇyena srir na fa nbas monda. Inja skakok mnu ani kuker smamunmun ḇa. Kokara rosai Refo ikofen ḇepon kwar na. Baboine, kokor ro swaf taun ri 2.500 naiwara kada, mnu ḇeba ani ikarḇaken fa ḇye ker-ker kwar.
Kowasya Yesaya 13:19, 20, raimnai kawos fakfuken ine:
-
Moḇsariso ḇardadi ine ndarirya rai?
Babilon ḇekarḇaken ḇero sup Irak ro baboine
6. Refo ikofenḇair ḇepon kwar roi ḇeḇejadi ro baboine
Refo dap fafisu kokenem ine ḇe ras-ras ḇepupes. (2 Timotius 3:1) Kokarapan rosai Refo ikofen ḇepon kwar ḇekur fafisu koḇedine.
Kowasya Matius 24:6, 7, raimnai kawos fakfuken ine:
-
Roi ḇeḇye ḇa rosai Refo ikofen nari nejadi ro ras-ras ḇepupes ya?
Kowasya 2 Timotius 3:1-5, raimnai kawos fakfuken suine:
-
Refo doḇe snonggaku ḇebor ḇero ras-ras ḇepupes ine moḇsa kenem sena nasnai rai?
-
Mam snonggaku ḇero ris Bedi moḇsa kenem sena nasnai rai?
SIA SOḆE: ”Refo ima iser fawar ḇekaku ḇa ma fawar sinan siwara monda.”
-
Manggundaw ido, rosai ḇefrur fa wakyar wos ḇero Refo nama nkaku?
FARKARKOR ḆYENA
Bisa kokyar roi sfas ro Refo na kukro nasrow kuker sejarah, fawawi dunya, ma ḇardadi ḇero Refo ndarirya ḇesya kwar.
Waswarepen Kaḇer
-
Fawar sfas ro Refo nama fawar ḇekaku dirya ke?
-
Rosai monda ḇefasnai fawawi dunya nasrow kuker roi Refo ikofen ya?
-
Kwara rariso, Refo ya bisa ikofen ḇepon rosai na ḇejadi ro fafisu iyama ke? Kwarem rarirya kukro?
SWEWAR NABOR WER
Fawawi dunya isya iḇese kuker rosai Refo ikofen na ke?
”Fawawi ro Dunya Ine Isrow kuker Rosai Refo Ikofen Na Ke?” (Fasfas ro situs jw.org)
Mam moḇsa ḇardadi ḇekur Karajan Yunani ndarirya rai.
Wawasya rariso ḇardadi ro Refo nfadwer snon oso moḇ myam Refo ya rai.
”Ayama Yakara Ḇoi, Allah Ima Isya Ḇa” (Syap Baryas No. 5 2017)
Wamarisen Ido Mam Ine Kako
FAKFUKEN RO KAWASA KAM
Moḇsa Saksi-Saksi Yahwe Sya Farkarkor Refo Sena Isnai Rai?
Bisa bepake Refo rosai monda fa wafarkor Refo ḇeyor ḇaḇyak ḇa kuker Saksi-Saksi Yahwe sya. Wamgak awer fa wor kina karyer Bansya kam ḇaido bati Besya fa sakso.
