Nyan fa wasmai payamyum nabor syadi ro farkarkor Refo ine
Wor snonggaku oso fa isaramper Au: Wakofen yoḇ snonggaku ḇebuk syap ine ḇe Au insama isaramper Au fa wafarkor Refo ya. Oroḇa ido, waser formulir ro situs Web nggoḇedi, jw.org.
BAR RANDAK
Wawasya syos na oser-oser, fakfuken sfas fa ikpor syadi (A) ma mnuk-mnuk ro Refo (B) ḇeknam faro farkarkor ḇyena. Fafisu mufarkor kayame, wawasya mnuk-mnuk ḇena kakop ”kowasya” fa ryok naba.
BAR FADU
Wos ḇerandak (C) ḇero bar Swewar Kaku Wer sop ya kyur faro rosai nari muyawos na. Judul kasun (D) ikofenḇair farkarkor ḇefandun na. Wawasya mnuk ḇyena, kwarem fakfuken ḇyena, ma mam vidio na (E).
Muyawos sonin ma rosai wafawi ro sonin na (F), ma kwara moḇsa na kwarem bar Sia Soḇe (G).
BAR ḆEPUPES
Bar Farkarkor Ḇyena ma Waswarepen Kaḇer (H) naser knam ro farkarkor ya. Fas tanggal risai wafarkor fa wamnai kwar. Bar Wafrur Roi Nane Wer (I) ikofenḇair rosai nari wafarkor wer ḇaido rosai imbe wafrur na. Bar Swewar Nabor Wer (J) naser anun ḇepyum nari insape kwinfir ro manggundaw imbe wawasya na ke imbe mam na.
Nyan fa wasrow mnuk-mnuk ro Refo na
Wasrow mnuk-mnuk na kuker mam snonsnon ro syap ḇero Refo (A), fasal na (B), ma mnuk na (C). Rupa ra, Yohanes 17:3 kyur faro syap Yohanes fasal ḇe 17, mnuk ḇe 3 ya.
Wamarisen Ido Mam Ine Kako
FAKFUKEN RO KAWASA KAM
Moḇsa Saksi-Saksi Yahwe Sya Farkarkor Refo Sena Isnai Rai?
Bisa bepake Refo rosai monda fa wafarkor Refo ḇeyor ḇaḇyak ḇa kuker Saksi-Saksi Yahwe sya. Wamgak awer fa wor kina karyer Bansya kam ḇaido bati Besya fa sakso.
