Karkara Bedi Rariso kuker Fafisu Iyama?

NAFNAK

Dunya ine na . . .

ryadine monda ke?
iḇyeḇa ke?
ipyum syadi ke?

ROSAI REFO ḆYADIR NA

”Allah . . . Nari ipyos mkarui nakambur mka sena, snar marmarya isyaḇa kwar; sne ḇefafardun, kankanes, roḇa dafduf naisyaḇa kako. Roi ḇeḇor ḇekwar napromes.”—Wahyu 21:3, 4, Wos Ḇyak ro Rasras.

NUN PAYAMYUM ḆE AU

Fararur ḇeyun doryaḇ ma marisen.—Yesaya 65:21-23.

Dafduf ma kandera na ono wer ḇa.—Yesaya 25:8; 33:24.

Kankenem ḇeaski ma marisen fyoro-fyoro kuker kina ma bati sya.—Mazmur 37:11, 29.

RARIRYA KOKYAR FARO SA REFO ḆYADIR NA KE?

Imbo. Isoine nyan risuru:

Allah nya samambraḇ fa ifrur asas Ḇyena. Ro Refo ya Allah Yahwe sor I ḇe, ”Allah ḇepoik syadi”, snar papoik Ḇyena nabor. (Wahyu 15:3) Inja kaku ḇeri Yahwe na fyadwer dunya ine fa ipyum syadi wer. Refo ya ikofen, ”Faro Allah roi ḇeḇor kam ndarirya.”—Matius 19:26.
Allah imarisen kaku fa ifrur asas Ḇyena. Yahwe ”myander” fa ḇyuk aḇiḇer faro ḇemar sya.—Ayub 14:14, 15.

Refo ya fyasnai kako, Yesus ḇyuk pararei faro ḇeduf sya. Rosai ḇefnai? Snar imarisen. (Markus 1:40, 41) Imnis raris Allah, Yesus imarisen kaku fa isaramper si ro fandandun sena.—Yohanes 5:19.

Inja, kokyar kaku faro Yahwe ma Yesus snar sumarisen fa kaksmai aski ro fafisu iyama!—Mazmur 72:12-14; 145:16; 2 Petrus 3:9.

INFA KOKARA

Rariso Allah na ifrur fasos dunya ine?

Fakfuken ine Refo kyarem na ro MATIUS 6:9, 10 ma DANIEL 2:44.

Wamarisen Ido Mam Ine Kako

BARYAS

Kakaku kuker Ras Ḇarpon Iyama

Swambraḇser kakyar Bedi faro rosai Allah ikofen kuker ras ḇarpon iyama faro supswan ma snonkaku ḇekenem ro dori sya.

ESSENTIAL BIBLE TEACHINGS

Karajan Allah Ido Rosairirya?

Fafisu Yesus fyarmyan ro supswan, dapḇair ker Karajan Allah isyadi ro roi ḇesena. Ro abad ḇe abad, snonkaku sya senadi fa sor insama Karajan ani ryama.