Na Kandera Ḇyenande Ke?
Kankarem Bedi rariso?
-
Imbo.
-
Oroḇa.
-
Yafawi ḇa.
ROSAI REFO ḆYADIR NA
”Allah . . . Nari ipyos mkarui nakambur mka sena, snar marmarya isyaḇa kwar; sne ḇefafardun, kankanes, roḇa dafduf naisyaḇa kako. Roi ḇeḇor ḇekwar napromes.”—Wahyu 21:3, 4, Wos Ḇyak ro Rasras.
NUN PAYAMYUM ḆE AU
Kofawi kandera nane ndrama ro Allah ḇa.—Yakobus 1:13.
Komarisen snar Allah ifawi kaku kosnesna.—Zakharia 2:8.
Kona saneraro kuker kandera nakame na ḇyenande.—Mazmur 37:9-11.
RARIRYA KOKYAR FARO SA REFO ḆYADIR NA KE?
Imbo. Isoine nyan risuru:
-
Allah imewer kaku kandera ma ḇekaku ḇa na. Yahwe ḇyesanekar ro fafisu myam snonkaku Ḇyesya ro awar madero sifrur mnis si ḇa. Refo ya ikofenḇair, Yahwe ḇyesneso kaku snar ryower ”fafardun sena (kawasa Ḇyesya) snaro snonkaku ḇemaḇak sya”.—Hakim 2:18, Terjemahan Dunia Baru [NW].
Allah imewer snonkaku ḇefrur pyum ḇa faro ḇesesya. Refo ya ikofen ”ḇramin ḇesbawer rik snonkaku ḇesasar ḇa sya” Yahwe dayin si.—Amsal 6:16, 17, NW.
-
Allah iswar ko oser-oser. Yahwe dor faro ko fa kosawen makakak koḇena faro I ’snar fyaduru ko’.—1 Petrus 5:7.
Kuker ḇaḇesasoser Ḇyedi, Yahwe na ipyos kandera koḇena. (Matius 6:9, 10) Fafisu ine, kuker saswar Ḇyena ḇyuk pararei ma samambraḇ faro snonkaku ḇesewar I sya.—Kisah 17:27; 2 Korintus 1:3, 4.
INFA KOKARA
Rosai ḇefnai fa Allah myam monda kandera ya?
Fakfuken ine Refo kyarem na ro ROMA 5:12 ma 2 PETRUS 3:9.
Wamarisen Ido Mam Ine Kako
ESSENTIAL BIBLE TEACHINGS
Rosai Ḇefnai fa Allah Myam Monda Koḇekandera Kaker?
Snonkaku ḇebor sya sifuken rosai ḇefnai fa dunya ine ifo kuker masasor ma kandera na. Refo byuk kankarem ḇekaku ma ḇeyun sneprei.
ḆEKURFASNAI INGGO
Rosai Ḇefnai fa Farkor Refo ya?
Refo ḇyuk kankarem faro fakfuken ḇefandun kaku ḇekur kankenem ine faro snonkaku riyuta kwar ro supswan ine ḇesiper. Wakmarisen wakmnis oso ro si ke?
