Kina Ḇeaski ya, Sa Sna ḇe Asyopder ya?
Kankarem Bedi ido, rosairiri . . .
-
pipi ke?
-
saswar ke?
-
eḇesena ke?
ROSAI REFO ḆYADIR NA
”Ḇaḇe aski ya siso ḇemnaf Allah wos ḇyena ma ḇeḇeuserna!”—Lukas 11:28, Wos Ḇyak ro Rasras.
NUN PAYAMYUM ḆE AU
Wasrow saswar ḇekaku.—Efesus 5:28, 29.
Wasmai syowi ro sne ḇenapes.—Efesus 5:33.
Fadadiren kuker kakaku.—Markus 10:6-9.
RARIRYA KOKYAR FARO SA REFO ḆYADIR NA KE?
Imbo. Isoine nyan risuru:
-
Allah iso Ḇedaw kina sya. Refo ya ikofen ḇo doḇe ”kina kam . . . sna snonsnon” faro Allah Yahwe. (Efesus 3:14, 15) Inja, Yahwe I ḇefrur kina syakam. Sai ḇeḇedari faro ko?
Wawasen: Wan barapen ḇeyankir ma imbe swewar fa wafawi rosai sikfrur na, manseiso na wafuken faro i? Imbo snonkaku ḇekun sya.
Rarya kako, fa kofawi nyan ḇeyun aski ro kina, nari kor farkankin ḇe Yahwe, snaro iso Ḇeḇedaw kina sya.—Kejadian 2:18-24.
-
Allah fyaduru ko. Kina sya sor ankankinem faro Yahwe, ro wos sren Ḇyena. Rarya kukro? ’Snar fyaduru ko’. (1 Petrus 5:6, 7) Yahwe imarisen roi ḇepyum faro Au, ma farkarkor Ḇyena ḇyefainda!—Amsal 3:5, 6; Yesaya 48:17, 18.
INFA KOKARA
Inja rariso na ḇe snon ma binswa ḇaido sinan ḇenaḇye rai?
Fakfuken ine Refo kyarem na ro EFESUS 5:1, 2 ma KOLOSE 3:18-21.
Wamarisen Ido Mam Ine Kako
FAKFUKEN ḆEKUR REFO NEḆEKAREM
Rosai Refo Ikofen ḇekur Farḇakḇuk ya?
Wos farkin ro Refo na nafnoḇek imbeswa sya fa sḇinggwanbur ma sifrur mnis samswen ro farḇakḇuk sena.
ḆEKURFASNAI INGGO
Rosai Ḇefnai fa Farkor Refo ya?
Refo ḇyuk kankarem faro fakfuken ḇefandun kaku ḇekur kankenem ine faro snonkaku riyuta kwar ro supswan ine ḇesiper. Wakmarisen wakmnis oso ro si ke?
ḆEKURFASNAI INGGO
Wor fa Srama yoḇ Au
Wafuken fakfuken ḇekur Refo na, oroḇa ido wafarkor fa manggundaw wakfawi syadi Saksi-Saksi Yahwe sya.
