Snonkaku Ḇemar Sya Na Sikenem Wer Ke?
Kankarem Bedi rariso?
-
Ryariri.
-
Ryarirya ḇa.
-
Yafawi ḇa.
ROSAI REFO ḆYADIR NA
”Nari aḇiḇer ya isya faro snonkaku ḇemar sya.”—Kisah 24:15, Wos Ḇyak ro Rasras.
NUN PAYAMYUM ḆE AU
Wasmai sneprei ro fafisu snonkaku waswar kaku ya imar.—2 Korintus 1:3, 4.
Makakak syadi wer ḇa faro marmar ya.—Ibrani 2:15.
Wasmai saneraro fa na wasrow wer kuker snonkaku ḇemar kwar ansi.—Yohanes 5:28, 29.
RARIRYA KOKYAR FARO SA REFO ḆYADIR NA KE?
Imbo. Isoine nyan rikyor:
-
Allah iso Ḇefrur kenem ya. Refo ya doḇe Allah Yahwe I ”ḇeḇuk kenem ma knaref” (Kisah 17:24, 25) Ḇeknam ro kankenem ya iso ḇena samambraḇ fa ikḇawes snonkaku ḇemar sya.
-
Ro fafisu iwara Allah ikḇawes snonkaku ḇemar kwar sya. Refo ya fyas farfyar riwar roro snonkaku—sinan ma ḇebabo sya, snon ma bin sya—sikenem wer. Sisya simar babo, mboi isya kako sikram i ro ras rifyak kwar!—Yohanes 11:39-44.
-
Allah imarisen kaku ḇyuk aḇiḇer ḇe snonkaku sya ro fafisu iyama. Yahwe imewer kaku marmar ya. Myami imnis mbroḇ. (1 Korintus 15:26) Imarisen fa ipyos ḇeri marmar ya kuker aḇiḇer. Ima ”myander” kaku fa ikḇawes snonkaku ḇero swarapepen Ḇyena insama sikenem wer ro supswan ine.—Ayub 14:14, 15, Terjemahan Dunia Baru.
INFA KOKARA
Wamarisen Ido Mam Ine Kako
ESSENTIAL BIBLE TEACHINGS
Snonkaku Ḇemar Sya Moḇsa Sḇerai?
Refo ḇyeasas fafisu oso snonkaku ḇebor sya na sikenem wer, ḇaido sikbawes ro marmarya, imnis ra Lazarus i.
FAKFUKEN ḆEKUR REFO NEḆEKAREM
Moḇsa Kaḇakḇok ro Snonggaku Ḇemar Sya Isnai Rai?
Imbude na wakandor snar wafawi mansei monda ḇesmai saneraro fa sikenem wer ro fafisu iyama.
ḆEKURFASNAI INGGO
Rosai Ḇefnai fa Farkor Refo ya?
Refo ḇyuk kankarem faro fakfuken ḇefandun kaku ḇekur kankenem ine faro snonkaku riyuta kwar ro supswan ine ḇesiper. Wakmarisen wakmnis oso ro si ke?
