FARKARKOR 05
Refo Naser Angginem Ḇeramuma ro Manseren Allah faro Ko
Yahwe byuk roi ḇepyum kaku ḇe ko, isoine Refo ya. Refo ya iser syap ri 66 ma siryur na fa nasnai ḇe syap oser. Imbude wafuken radine: ’Refo ine ryamuma ro? Mansei kakara ḇyena sfas ro Refo ya?’ Insama kokarem fakfuken suine, rwama kawos moḇsariso Manseren Allah angginem Ḇyena ro Refo bisa kofawi na rai.
1. Snonggaku siso ḇefas Refo ya ido, rosai ḇefnai fa koḇo ryamuma ro Allah?
Ḇefas Refo ya iso snon ri 40 ma sfas na ro swaf taun ri 1.600 syadi, isoine ro taun 1513 MḆ isof ro taun 98 M. Manfasfas ansine sramaker moḇ ḇesisye ma suf fararur sena naḇesisye kako. Imnis ra, sia sisya se manfarandows, mandaswan, ma sia wer se raja. Rarirya mboi, roi sfas na naḇesisye ḇa. Rosai ḇefnai fa naḇesisye ḇa? Kukro Refo ima Manseren Allah wos Ḇyenairi. (Kowasya 1 Tesalonika 2:13.) Manfasfas ansi sfasepen kakara manggun sena ḇa. Imbape, ’kuker dafdif ro rur ḇesren sawos kuker snonsnon Allah’. a (2 Petrus 1:21) Manseren Allah byuk rur ḇesren Ḇyeja fa fyarkin, ḇaido idif snonggaku ansya fa sfasepen kakara Ḇyena.—2 Timotius 3:16.
2. Mansei monda na ḇesmai payamyum ro Wos Refo ya?
Manseren Allah doḇe snonggaku ḇerama ro ”er oser-oser, keret, wos, ma kawasa” nari sismai payamyum ro angginem ḇepyum ro Wos Refo ya. (Kowasya Fasasna [Wahyu] 14:6.) Baboine, Refo naisya kwar ro wos ḇebor isyadi ro syap-syap ḇesena. Kero kada snonggaku syakam ḇeḇarek ro moḇ risai monda ma wos risai sbukidawos ya, bisa siwasya Refo ine.
3. Moḇsa Yahwe myamwarek Refo ya fa isya isof ro baboine rai?
Sifrur syap ḇeniw fa sbukifas Refo ya ro roi ḇepokem fasaw. Sifrur na ro aiwan kif ma rokaker sor ḇe papirus. Imboi snonggaku ḇesyowi Refo sya, sfas kaḇer fasfas ro Refo na fa namnis. Snonggaku ḇepoik ma manfarkin agama sya sisewar marmar kaku insama Refo ya ipromes. Imbape sia wer simarisen simar fa skadaunwarek Refo ya. Yahwe imewer kaku snonggaku ḇaido roi oso nadwarek I fa ikofenḇair angginem Ḇyena faro ko. Refo ya doḇe, ”Allah koḇedi wos Ḇyena naisya pdef isof fyoro-fyoro.”—Yesaya 40:8.
SWEWAR KAKU WER
Rwama kawos wer moḇsa Manseren Allah fyarkin snon ansi fa sfas Refo ya, moḇsa myamwarek Refo ya fa isya pdef, ma rariso myam pyum insama snonggaku syakam bisa siwasya na.
4. Refo fyasnai angginem ḇero dori ndramuma ro Manseren Allah
Komam VIDIO. Ma kowasya 2 Timotius 3:16, raimnai kawos fakfuken suine.
-
Snonggaku siso ḇefas Refo ya kurḇei, rosai ḇefnai fa sor Refo ya ḇe Manseren Allah Wos Ḇyena?
-
Wakyar Manseren Allah bisa ikofenḇair kakara Ḇyena faro manfasfas sya ke?
Manfasfas oso fyasepen angginem ro syapram ya. Mboi, snon oso isya ḇeyapḇair kakara ḇyena fa manfasfas ine fyas pyan na. Imnis rarirya, Manseren Allah ikofenḇair angginem Ḇyena faro snonggaku sya fa sfasepen na ro Refo ya
5. Sisewar marmar insama Refo ya ipromes, fama isya pdef
Refo ya ryamuma ro Manseren Allah, inja kokyar nari myamwarek na fa naisya pdef. Ro fyor iwara isof ro baboine, snonggaku ḇepoik sya sisewar marmar insama Refo ya ipromes. Manfarkin agama sya simewer snonggaku sya siwasya Wos Refo ya. Sidwarek snonggaku ḇebor sya ḇo soḇe na smun si, rariryano simarisen syadi simarwarek Wos Refo ya. Imbe wakfawi oso ro si ido, komam VIDIO, raimnai kawos fakfuken ine.
-
Mam kwar moḇsa snonggaku ansi sisewar marmar kaku fa skadaunwarek Refo ya, inja wamarisen syadi fa wawasya Refo ya ke? Kwarem rarirya kukro?
Kowasya Mazmur 119:97, raimnai kawos fakfuken ine:
-
Rosai ḇedif snonggaku ḇebor sya fa sifrur Refo ḇe wos ḇese ma sirwas na wer?
6. Syap faro snonggaku syakam
Ro fyor iwara isof ro baboine, Refo iso syap sifrur ro wos ḇebor ma sirwas na kwar. Kowasya Farfyar 10:34, 35, raimnai kawos fakfuken suine:
-
Rosai ḇefnai fa Manseren Allah imarisen insama sifrur Wos Refo na ḇe wos ḇebor ma sirwas na wer?
-
Rosai ḇefrur Au fa besyowi Wos Refo ya?
Kero kada
kawasa kam
ro supswan ine ḇesiper
bisa siwasya Refo ya ro wos manggun sena
Nasyadi ro wos ri
3.000
naisya kwar
nakam ḇaido bar kermgun monda
5.000.000.000
Barbor ro Refo sisasyar kwar na,
nane nasyadi ro syap-syap ḇesena
SIA SOḆE: ”Refo ima syap ḇekwar nairi ma snonggaku siso ḇefas na.”
-
Moḇsa wakkara roi ine rai?
-
Rosai ḇefasnai kaku snar Refo ima Manseren Allah Wos Ḇyenairi?
FARKARKOR ḆYENA
Refo ima Allah Wos Ḇyena, ma myam kaku insama snonggaku syakam bisa siwasya na.
Waswarepen Kaḇer
-
Moḇsa Allah fyarkin snon riḇeḇeso fa sfas Refo ya rai?
-
Rosai ḇefrur fa wamanen kaku Refo ine?
-
Wafawi kwar Manseren Allah syewar kaku fa ikofenḇair angginem Ḇyena ḇe Au, inja moḇsa ḇaḇir rai?
SWEWAR NABOR WER
Refo ismai roi ḇedwarek ḇeba ri kyor, fama isya pdef.
Mam snonggaku sia sifawi nari smun si kukro sifrur Refo ḇe wos ḇese, fama sisusu ḇa.
Sfas kaḇer Refo ine ma sifrur ker na ḇe wos ḇese. Rosai eḇedar fa wakyar roi sfas ro Refo na namnis kaker?
”Sfadwer Fasfas ro Refo ya Kwar Ke?” (Fasfas ro situs jw.org)
a Ro Farkarkor ḇe 07 iwama, insape nari kofawi rur ḇesren ya iso Manseren Allah samambraḇ ḇeba Ḇyenairi.
Wamarisen Ido Mam Ine Kako
FAKFUKEN RO KAWASA KAM
Moḇsa Saksi-Saksi Yahwe Sya Farkarkor Refo Sena Isnai Rai?
Bisa bepake Refo rosai monda fa wafarkor Refo ḇeyor ḇaḇyak ḇa kuker Saksi-Saksi Yahwe sya. Wamgak awer fa wor kina karyer Bansya kam ḇaido bati Besya fa sakso.
