FARKARKOR 08
Yahwe Imarisen Nya Au ḇe Bati Ḇyedi
Yahwe imarisen nya Au ḇe bati. Ikyar kaku snar wafawi rari Ḇyena kwar, wafawi nyan ifrur pyum snonggaku koine, ma wafawi marisen Ḇyena ido, nari wamarisen syadi fa bebati kuker I. Imboi bisa koḇebati kaku kuker Manseren Allah ke? (Kowasya Yakobus 2:23.) Rosai na kofrur kaku insama koḇebati kuker Manseren Allah? Refo isya kyarem fakfuken anine. Refo ikofen kako ḇo doḇe koḇebati kuker Yahwe kada, nari kosmai payamyum kaku.
1. Rosai Yahwe dor ro Au ya?
”Mkofanam faro Allah, ma nari Allah fyanam faro mko.” (Yakobus 4:8) Rosai mnuk ine ikofen kaku ya? Isoine Yahwe dor Au fa wakḇebati kuker I. Ḇape snonggaku ḇebor sya skara samswen fa sebati kuker Manseren Allah kukro smam I ḇa. Fama, Refo doḇe Yahwe fyasnai rari ḇepyum Ḇyena fa kofawi na insama kofanam syadi yoḇ I. Inja komam I ḇa yo, kowasya Refo ido, bisa koḇebati kuker Yahwe I.
2. Rosai ḇefnai fa kokyar Yahwe iso Bati ḇefrur pyum koḇediri?
Yahwe iswar Au kaku. Imarisen insama wasmai marasrisen. Inja wafandun fafnoḇek ido, imarisen fa wakofenḇair na yoḇ I. Refo ya doḇe, ”Mkobuk makakwarek mkobenakam faro Allah, snar i ḇefaduru mko.” (1 Petrus 5:7) Yahwe imarisen ryower Au, byuk sneprei, ma isaramper Au ḇesya kwar.—Kowasya Mazmur 94:18, 19.
3. Rosai Yahwe dor ro bati Ḇyesi?
Yahwe iswar snonggaku syakam. Imboi, Refo ya doḇe ”ima fyanam faro snonggaku ḇena sne ḇenapes”. (Amsal 3:32) Yahwe dor bati Ḇyesi fa sifrur roi imarisen na, isoine sifrur roi ḇepyum ma sḇinggwanbur roi ḇeḇye ḇa na. Sia soḇe rosai Yahwe dor ro si, jadi fa siso mnis kam na ḇa. Imbape Yahwe ima isawarwar. Inja koswar Yahwe I ma kosewar fa kofrur rosai imarisen na kada, na imarisen fa koḇebati kuker I.—Mazmur 147:11; Farfyar [Kisah] 10:34, 35.
SWEWAR KAKU WER
Komam rosai na wafrur kaku insama bisa bebati kuker Yahwe I. Nari mam kako rosai ḇefnai fa kokyar Yahwe ima bati ḇefrur pyum kaku dirya.
4. Abraham iso Yahwe bati Ḇyediri
Fawar ro Refo ḇekur Abraham (Abram) i, nafnoḇek ko fa kofawi pyum snonggaku ḇerariso Manseren Allah imarisen fa sebati kuker I. Kowasya Kejadian 12:1-4. Raimnai kawos fakfuken ri kyor skoine:
-
Rosai Yahwe dor ro Abraham i fa ifrur na?
-
Rosai Yahwe ikofen kaku faro i?
-
Rosai Abraham ifrur fafisu ryower Yahwe parenta Ḇyena kwar?
5. Roi Yahwe dor ro bati Ḇyesi fa sifrur na
Kona bati ido, na komarisen kor si fa sifrur roi komarisen na ḇae.
-
Nwa bati ido, rosai monda wamarisen fa bati Besi sifrur yoḇ Au na?
Kowasya 1 Yohanes 5:3, raimnai kawos fakfuken ine:
-
Rosai Yahwe dor ro bati Ḇyesi?
Kosouser faro Yahwe I kuker kofadwer rari ma kenem koḇena imnis moḇ imarisen raya. Kowasya Yesaya 48:17, 18, raimnai kawos fakfuken ine:
-
Rosai ḇefrur fa Yahwe dor bati Ḇyesi insama sfadwer kenem senandi?
Bati ḇefrur pyum ima ikofenḇair roi ḇeyun payamyum ḇe ko. Yahwe dakfrur rarirya faro bati Ḇyesi
6. Roi Yahwe ifrur faro bati Ḇyesi
Yahwe isaramper bati Ḇyesi fa sisambraḇ rofyor sismai samswen. Komam VIDIO, raimnai kawos fakfuken na.
-
Moḇsa Yahwe ifnoḇek bin ḇero vidio ani fa isawen kakara ḇesasar ḇyena?
Kowasya Yesaya 41:10, 13, raimnai kawos fakfuken suine:
-
Rosai Yahwe ikofen nari ifrur faro bati Ḇyesi?
-
Kwara ido, Yahwe ima Bati ḇefrur pyum kaku ke? Rosai ḇefnai fa kwara radiri?
Bati ḇefrur pyum nari sifnoḇek Au fafisu wafandun fafnoḇek. Yahwe nari dakfnoḇek Au kako
7. Yahwe bati Ḇyesi sima na sawos yoḇ I ma srower I
Snonggaku ri suru sukain fasis ḇa boi sufarfyar kada, nari suḇebati fanam syadi. Kowasya Mazmur 86:6, 11, raimnai kawos fakfuken suine:
-
Moḇsa na kawos yoḇ Yahwe I rai?
-
Moḇsa Yahwe dakkawos yoḇ ko rai?
Kawos yoḇ Yahwe I ro nadi koḇena; Yahwe dakkawos yoḇ ko ro Refo ya
SIA SOḆE: ”Na kopok koḇebati fanam kuker Manseren Allah ḇa.”
-
Mnuk risai na wafasnai ḇe si ḇeḇair snonggaku koine bisa koḇebati kuker Manseren Allah?
FARKARKOR ḆYENA
Yahwe imarisen fa nwa I ḇe bati Bedi, ma nari ifnoḇek Au fa wafanam faro I.
Waswarepen Kaḇer
-
Moḇsa Yahwe ifnoḇek bati Ḇyesi rai?
-
Rosai ḇefnai fa Yahwe dor bati Ḇyesi insama sfadwer kenem sena?
-
Bebati kuker Yahwe ima syamswen ke? Kwarem rarirya kukro?
SWEWAR NABOR WER
Moḇsa ḇaḇebati kuker Manseren Allah nbuk payamyum faro kenem Bena rai?
”Allah Yahwe—Isyus fa Komambir I” (Syap Baryas 15 Februari 2003)
Wawasya insama wafawi rosai ḇefnai fa bin oso ismai ḇaḇye kukro ḇyebati kuker Yahwe I.
Rwower rariso roma inai babo ansine sikofenḇair kakara sena ḇekur Yahwe I.
Wamarisen Ido Mam Ine Kako
FAKFUKEN RO KAWASA KAM
Moḇsa Saksi-Saksi Yahwe Sya Farkarkor Refo Sena Isnai Rai?
Bisa bepake Refo rosai monda fa wafarkor Refo ḇeyor ḇaḇyak ḇa kuker Saksi-Saksi Yahwe sya. Wamgak awer fa wor kina karyer Bansya kam ḇaido bati Besya fa sakso.
