Kona bati ido, na sakmarisen fnoḇek ko ro fafisu ḇepyum na. Oso wer ido, ro fafisu kosmai samswen, nari sisambraḇser ko. Fama, Refo ya doḇe snonggaku syakam ḇa na sḇebati ḇepyum faro ko. Inja moḇsa na kokinfir mansei imbe kona ḇe bati ḇepyum? Kokara pyum fakfuken-fakfuken nane.

1. Bati kwinfir sya nari sifnoḇek Au fa waswar Yahwe I ke roḇa?

Kosrow snonggaku sya ḇeri ke roro media sosial na ke, kobuk swaf nabor fa koḇebati kuker si ido, nari rosai kofrur ma rosai kokara na namnis ra si. Wos Refo ya doḇe, ”Snonggaku ḇembran kuker snonggaku ḇefawinanem nari fyawinanem, ḇape snonggaku ḇeso kuker snonggaku ḇenawnower [snonggaku ḇeswar Yahwe I ḇa] nari ismai roi ḇemun.” (Amsal 13:20) Bati ḇeswar Yahwe I ma ḇesyom faro I nari sifnoḇek Au fa wafanam syadi faro I ma wafrur roi ḇepyum na. Ḇape bati ḇeswar Yahwe I ḇa sya, nari sifrur Au fa ḇinggwan ro Yahwe I. Iso ḇefnai fa Refo ya danunepen ko fa kokinfir pyum mansei imbe kona ḇe bati! Koḇebati kuker snonggaku ḇeswar Manseren Yahwe I kada, nari sbuk roi ḇepyum faro ko ma kakbuk roi ḇepyum faro si. Rarirya, nari ’kanunyae ko ma kosonemyae ko’.​—1 Tesalonika 5:11.

2. Bati kwinfir sya nari sifrur Yahwe imarisen ke roḇa?

Yahwe kyinfir pyum bati Ḇyesya. ”Ima fyanam faro snonggaku ḇena sne ḇenapes.” (Amsal 3:32) Moḇsa Yahwe ḇyaḇir rai rofyor myam koḇebati kuker snonggaku ḇeswar I ḇa? Nari imarisen ḇa kaku! (Kowasya Yakobus 4:4.) Imbape, komewer koḇebati kuker snonggaku ḇena kenem ḇeḇye ḇa. Kofanam syadi faro Manseren Yahwe I ma snonggaku ḇeswar I sya kada, nari kofrur fa Yahwe imarisen ma nari imarisen nya ko ḇe bati.​—Mazmur 15:1-4.

 SWEWAR KAKU WER

4. Na koḇebati kuker snonggaku ḇemnis raris ko monda ḇa

Refo fyas fawar ḇekur snon Israel ri suru, susoine Daud ma Yonatan. Yonatan ima Raja roma ḇyediri ma ḇyesinan syadi ro Daud i, ḇesyabo suma suḇebati fanam kaku. Kowasya 1 Samuel 18:1, raimnai kawos fakfuken suine:

• Snonggaku kokinfir fa kona ḇe bati, fandun fa umur sena namnis ra ko monda ke? Kwarem rarirya kukro?

Kowasya Roma 1:11, 12, raimnai kawos fakfuken ine:

• Koḇebati kuker snonggaku ḇeswar Yahwe ido, payamyum rosai na kosmai ya?

Ro vidio ine, mam rariso roma babo oso isrow bati ḇyesi rai. Komam VIDIO, raimnai kawos fakfuken na.

• Ro vidio insanja, rosai ḇefnai fa Akil sinan ḇyesu suyawos yoḇ i ḇekur bati ḇyesi ro rumfarkor?

• Randak ya, rosai ḇefrur fa Akil imarisen faro bati ḇyesi ro rumfarkor?

• Rosai ḇefnoḇek i fa ḇyaḇir ḇyero manggundi ḇa?

 5. Nyan fa wasrow bati ḇekaku

 FARKARKOR ḆYENA

Kokinfir pyum mansei na kona ḇe bati ido, nari Yahwe imarisen ma roi ine nbuk payamyum faro manggunko.

Waswarepen Kaḇer

• Rosai ḇefnai fa Yahwe myam mansei kokinfir fa kona ḇe bati, inema roi ḇefarfnak risya ḇa?

• Komewer koḇebati kuker snonggaku ḇena kenem ḇerariso?

• Rariso na koḇebati fanam kuker snonggaku ḇeswar Yahwe I rai?