Snon ma bin na sumarisen kaku ro ras sifrur munara farḇakḇuk suḇena. Sumarisen fa raryaḇ suḇenane nakain isof fyoro-fyoro. Imbo, roi nane bisa ḇae. Mambeswa imbeswa Kristen ḇefarḇuk fyoro kwar sya, smam mboi sismai payamyum ro kina sena kukro sisouser wos anun ro Refo ya.

1. Rosaiso wos anun ro Refo faro snon ḇefarḇuk kwar sya?

Yahwe kyur eḇe snon ya fa iso ḇebukor ro kina ya dori. (Kowasya Efesus 5:23.) Yahwe imarisen insama snon sya sun nyan ḇepyum fa nbuk payamyum faro kina sesi. Refo ya danun ḇe snon ḇefarḇuk kwar sya radine, ”Ne, snon, waswar swambri.” (Efesus 5:25) Moḇsa snon oso fyasnai iswar swari rai? Na ifrur pyum bin byuk ya fafisu suyerer monda ma fafisu suisya sukainus snonggaku ḇese kako. Kyadaunwarek i, ifrur i fa imarisen, ma syewar fa byuk roi fyandun na. (1 Timotius 5:8) Ḇefandun syadi ya, isaramper i fa iswar pdef Yahwe I. (Matius 4:4) Rupa ra, na ḇyenadi ma iwasya Refo fnoḇek swari. Snon ḇefarḇuk kwar oso fyasnai sawarwar ma myam swari fandun ḇyena ido, nari wis ḇyena kuker Yahwe I nsambraḇ syadi.​—Kowasya 1 Petrus 3:7.

2. Rosaiso wos anun ro Refo faro bin ḇefarḇuk kwar sya?

Refo ya doḇe ipyum fa bin ḇefarḇuk kwar ḇyesyowi kaku swari. (Efesus 5:33) Moḇsa bin oso fyasnai ḇyesyowi kaku swari rai? Kyara mura ro snon byuk ya rari ḇepyum ḇyena monda ma sasewar ḇyena fa myamfaduru i ma romawa suḇesya. Ḇyesyowi swari kako kuker iso rosai swari ikofen kwar na. Oso wer ido, na dawos asuser yoḇ i ma ikofen roi ḇepyum faro swari. Swari daksyom Yahwe I ḇa yo, nari fyasnai syowi faro i.

3. Moḇsa snon ma bin ḇefarḇuk kwar sumam fa farḇakḇuk suḇena nsambraḇ rai?

Refo ya doḇe snon ma bin ḇefarḇuk kwar nari ’suḇe baken oser’. (Matius 19:5) Inja na susewar kaku fa supampum roi nari ḇefnai fa suswaryae su ḇa. Subuk swaf fa sukain kayamyam ma sufawar kaku roi sukara ma roi suḇaḇir na. Kaku ḇa bo, na sumam ḇepon Yahwe I ro kenem suḇena. Imbape oser-oser myam roi ḇese ḇaido snonggaku oso ḇese awer, imboi myam ḇepon sumin ya fandun ḇyena. Oso wer ido, susasor kaku su insama oso ifrur fasis awer kabrai saswar kuker oso ḇese.

 SWEWAR KAKU WER

4. Snon Au ya—waswar ma wafrur pyum swambri

5. Bin Au ya—waswar ma besyowi swambri

Refo danunepen bin ḇefarḇuk kwar sya fa sesyowi siswasi. Siswasi saksyom Yahwe I ke roḇa yo, sifrur roi ine. Kowasya 1 Petrus 3:1, 2, raimnai kawos fakfuken suine:

• Swambri ḇye Saksi Yahwe ḇaim ido, na wamarisen fa ras oso daksyom Yahwe I ḇae. Kwara ido, nyan ḇepyum syadi minsai na wun fa bukifnoḇek i: wawos kakaku ya ker yoḇ i ke fasnai monda rari ḇepyum fa myam na ma besyowi i? Kwarem rarirya kukro?

Ipyum fa snon ma bin ḇefarḇuk kwar suna wos oser. Imbape fafisu ono ido, eḇe bin ya nya wos oser kuker swari ḇa. Rarirya ido, nari ikofenḇair  roi kyara na kuker nyan ḇepyum ma fyasnai syowi. Ḇape, fandun fa iswarepen snar Yahwe kyur swari kwar fa iso na ḇemamepen roi ḇepyum faro kina suḇesya. Inja, na syewar kaku fa iso rosai swari ikofen na. Ifrur roi ine kada, isya ifnoḇek ḇero kina syakam fa skain kuker payamyum. Kowasya 1 Petrus 3:3-5, raimnai kawos fakfuken ine:

• Yahwe myam bin oso fyasnai syowi faro swari ido, moḇsa na ḇyaḇir rai?

6. Mam pyum samswen ro farḇakḇuk Bena

 FARKARKOR ḆYENA

Snon ma bin ḇefarḇuk kwar suswar su, suḇesyowi su, ma susouser anun ro Wos Refo ya kada, nari susmai payamyum.

Waswarepen Kaḇer

• Snon ḇefarḇuk kwar rosai na ifrur fa dun payamyum faro kina ḇyedi?

• Bin ḇefarḇuk kwar rosai na ifrur fa dun payamyum faro kina ḇyedi?

• Farḇuk kwar ido, wos anun ro Refo minsai na waso samande farḇakḇuk Bena nsambraḇ?