FARKARKOR 59
Kosusu Awer Rofyor Sewayam Ko
Ro ras meser ine ke ras iwama ke, sia sisya na sibe sifrur ko fa komnai kosyom Yahwe I. Ḇepyum ḇa syadi wer iso na sewayam ko. Inja roi nane nafrur fa komgak ke?
1. Rosai ḇefnai fa na kokandor ḇa rofyor sewayam ko?
Refo ya ikofen kwar bo doḇe, ”Snonkaku oser-oser ḇemarisen [ḇesyom faro Manseren Allah] snar Yesus Kristus nari sisma ḇaḇewayam.” (2 Timotius 3:12) Fyor iwara, Yesus ismai wayam kukro iwaira ḇe Ibiris dunya ḇyedine ḇa. Kakwaira ḇe dunya ine ḇa kako. Inja, kopok kokandor awer rofyor pamarenta ma organisasi agama sya sewayam ko.—Yohanes 15:18, 19.
2. Moḇsa kofasos ko faro wayam nari ḇerama ya?
Fafisu ine ḇeri, komam fa kakyar koḇena faro Yahwe I nsambraḇ. Ro ras ḇe ras, fasos swaf fa benadi ḇe Yahwe I ma wawasya Wos Refo ya. Wamyaren waso ro fananjur ari na. Roi nane kam nari nafnoḇek Au fa wamgak ḇa fafisu wasmai wayam, ḇefandun syadi wer fafisu kina Bansya sidwarek Au. Manwawan Paulus ima ismai wayam ker, mboi fyas bo doḇe, ”Manseren [Yahwe] ifnoḇek aya, inja nari yamkak ḇa.”—Ibrani 13:6.
Oso wer ido, komyaren fa kobaryas kada nari komgak ḇa syadi wer. Fafisu kora kobaryas, na nafrur fa kokyar syadi faro Yahwe I ma komgak snonggaku sya ḇa. (Amsal 29:25) Fafisu ine kobaryas bo komgak ḇa ido, ine fyasos ko fa kobaryas pdef ro fafisu pamarenta sidwarek fararur ḇesren koḇena.—1 Tesalonika 2:2.
3. Kosouser pdef rofyor sewayam ko ido payamyum rosai na kosmai ya?
Kaku ḇae, sewayam ko ido na komarisen ḇa. Ḇape kosouser pdef rofyor sewayam ko ido, nari kakyar koḇena nsambraḇ syadi. Na kofanam syadi ḇe Yahwe I kukro komam ro manggunko fafnoḇek Ḇyena fafisu kokara kosambraḇ ḇa kwar. (Kowasya Yakobus 1:2-4.) Yahwe sneri iduf rofyor myam koḇekandera, ḇape imarisen fafisu myam kosusu ḇa. Refo ya doḇe, ”Rofyor mkofrur roi [ḇepyum] raimnai mkosma kandera, nari Allah ḇyeḇok mko.” (1 Petrus 2:20) Yahwe nari ḇyebok ḇaido ḇyebarakas snonggaku ḇesoasuser pdef sya kuker byuk kankenem fyoro yoḇ si ro dunya babo. Ro diwa, snonggaku oso ḇaḇeri na ḇyembroḇ snonggaku ḇesyom Yahwe I.—Matius 24:13.
SWEWAR KAKU WER
Nari kawos roi ḇefrur fa wakyar bisa wasoasuser pdef ḇe Yahwe I fafisu sewayam Au, ma Yahwe nari ḇyebarakas Au.
4. Wasouser pdef fafisu kina Bansya sidwarek Au
Manseren Yesus ifawi kaku nari kina koḇesya sia sisya simarisen ḇa rofyor kokinfir fa kosyom Yahwe I. Kowasya Matius 10:34-36, raimnai kawos fakfuken ine:
-
Snonggaku oso kyinfir fa daksyom Yahwe ido, imbude rosai na kina ḇyesi sifrur yoḇ i?
Imbe mam fawar oso ido, komam VIDIO, raimnai kawos fakfuken na.
-
Bati ḇaido kina Bedi oso syewar fa idwarek Au insama wamnai wasyom Yahwe ido, rosai nari wafrur ya?
Kowasya Mazmur 27:10 ma Markus 10:29, 30. Kowasya mnuk nane kam raimnai kawos fakfuken ine:
-
Rariso wos ḇero mnuk anna nafnoḇek Au fafisu kina ḇaido bati Besya sidwarek Au fa wamnai wasyom Yahwe I?
5. Kofarmyan pdef ḇe Yahwe I fafisu sewayam ko
Komgak ḇa kada, bisa kofarmyan pdef ḇe Yahwe I fafisu sia sembroḇ ko. Komam VIDIO, raimnai kawos fakfuken na.
-
Moḇsa fawar ḇero vidio ine nbuk samarawraw ḇe Au rai?
Kowasya Farfyar 5:27-29 ma Ibrani 10:24, 25. Kowasya mnuk nane kam raimnai kawos fakfuken ine:
-
Rofyor pamarenta siwan ko fa kobaryas awer ḇaido sor ko fa koso ari awer, rosai na wafrur ya?
6. Yahwe nari ifnoḇek Au fa wasusu ḇa
Saksi-Saksi Yahwe ḇero supswan ine ḇesiper ḇesinan kwar ḇaido ḇebabo kaker sya sifarmyan pdef ḇe Yahwe I fafisu sismai wayam. Insama wafawi rosai ḇefnoḇek si, komam VIDIO. Raimnai kawos fakfuken ine:
-
Rosai ḇefnoḇek Saksi ḇero vidio insanja fa sisusu ḇa?
Kowasya Roma 8:35, 37-39 ma Filipi 4:13. Kowasya mnuk oser-oser raimnai kawos fakfuken ine:
-
Moḇsa mnuk anna nafrur fa wakyar na wasusu ḇa ro samswen rosairya kam ḇekur Au na?
Kowasya Matius 5:10-12, raimnai kawos fakfuken ine:
-
Rosai ḇefnai fa na waryaḇ pdef fafisu sewayam Au?
Yahwe manfamyan Ḇyesi riyuta sya sisusu ḇa fafisu sismai wayam. Au kako bisa ḇae!
SIA SOḆE: ”Yakara mboi ayama na yaksambraḇ ḇa fafisu yasmai wayam.”
-
Mnuk risai ro Refo na fasnai ḇe si insama simgak ḇa?
FARKARKOR ḆYENA
Yahwe ḇyesyowi sasewar koḇena fa kofarmyan pdef ḇe I fafisu kosmai wayam. Inja na isaramper ko fa kosusu ḇa!
Waswarepen Kaḇer
-
Rosai ḇefnai fa snonggaku Kristen sipok skandor awer fafisu sismai wayam?
-
Rosai na wafrur ro fafisu ine fa wafasos Au faro wayam nari wasmai ya?
-
Rosai ḇefrur fa wakyar kaku bisa wafarmyan pdef ḇe Yahwe I bo wasusu ḇa fafisu wasmai samswen?
SWEWAR NABOR WER
Mampan rariso Yahwe ifnoḇek mambesrar ḇebabo oso fa isusu ḇa fafisu sisun i ḇe bui kukro iwaira faro oso ḇa.
Moḇsa na kofasos ko insama komgak ḇa fafisu kosmai wayam?
”Kofasos Ko ro Kirine faro Ḇaḇewayam Na Ḇerama Ya” (Syap Baryas paik Juli 2019)
Moḇsa na komam roi ḇedwarek ḇeramuma ro kina koḇesya rai? Rosai na kofrur ro fafisu ḇeradine?
”Napnapes Nun ’Askiḇa, Mḇoi Nun Sumber’” (Syap Baryas paik Oktober 2017)
Wamarisen Ido Mam Ine Kako
FAKFUKEN RO KAWASA KAM
Moḇsa Saksi-Saksi Yahwe Sya Farkarkor Refo Sena Isnai Rai?
Bisa bepake Refo rosai monda fa wafarkor Refo ḇeyor ḇaḇyak ḇa kuker Saksi-Saksi Yahwe sya. Wamgak awer fa wor kina karyer Bansya kam ḇaido bati Besya fa sakso.
