Nyan fa wasmai payamyum nabor syadi rofyor wafarkor Refo ya
Ḇepon ya kwara pyum kaku roi ḇefnai fa wafarkor Refo ya, insape mam VIDIO ine.
BAR RANDAK
Imbe fasos farkarkor na oser-oser ido, wawasya bar ḇerandak na ḇepon ari. Fakfuken ḇekpor syadi (A) ma mnuk na (B) naiso ḇeknam faro farkarkor ḇyena. Fafisu mufarkor kayame, wawasya mnuk-mnuk ḇena kakop ”kowasya” fa ryok naba.
BAR FADU
Wos ḇerandak (C) ḇero bar Swewar Kaku Wer sop ya kyur faro rosai nari muyawos na. Judul kasun (D) ikofenḇair farkarkor ḇefandun na. Ḇebuk farkarkor Refo ḇe Au, muwasya mnuk ḇyena, kwarem fakfuken ḇyena, ma mumam vidio ya.
Bar VIDIO dun Au ḇe roi ḇewarpu ḇekur farkarkor Bena. Vidio naisya sfasos na fa nfasnai fawar ḇekaku. Mboi vidio ḇese sifrur na monda fa nfasnai roi komam kaku ro kenem koḇena ro ras ḇe ras.
Muyawos sonin ma rosai wafawi ro sonin na (E), ma kwara moḇsa na kwarem bar Sia Soḇe (F).
BAR ḆEPUPES
Bar Farkarkor Ḇyena ma Waswarepen Kaḇer (G) naser knam ro farkarkor ya. Fas tanggal risai wafarkor fa wamnai kwar. Bar Wafrur Roi Nane Wer (H) ikofenḇair rosai nari wafarkor wer ḇaido rosai imbe wafrur na. Bar Swewar Nabor Wer (I) naser anun ḇepyum nari insape kwinfir ro manggundaw imbe wawasya na ke imbe mam na.
Naser
|
|
|
|
Nyan fa wasrow mnuk-mnuk ro Refo na
Refo ima raryur ro syap-syap kasun ri 66. Sirwas na ḇe bar ri suru: Syap-Syap Ibrani-Aram (”Ḇaḇeasas Ḇekwar”) ma Syap-Syap Yunani Kristen (”Ḇaḇeasas Babo”).
Siser mnuk ḇero farkarkor ine ido, na sfas snonsnon ro syap Refo (A) anya, raimnai sfas fasal (B), ma mnuk (C) ḇyena.
Rupa ra, Yohanes 17:3 kyur faro syap Yohanes fasal ḇe 17, mnuk ḇe 3 ya.
Wamarisen Ido Mam Ine Kako
FAKFUKEN RO KAWASA KAM
Moḇsa Saksi-Saksi Yahwe Sya Farkarkor Refo Sena Isnai Rai?
Bisa bepake Refo rosai monda fa wafarkor Refo ḇeyor ḇaḇyak ḇa kuker Saksi-Saksi Yahwe sya. Wamgak awer fa wor kina karyer Bansya kam ḇaido bati Besya fa sakso.
