FARKARKOR 1
Wos Ḇesrow ro Randak
Farfyar 17:22
ROSAI NA WAFRURI: Fandun fa wos Bena nafrur marisen, swewar farkarkor ḇesrow, ma wafrur fa ḇerower Au ya myam na ḇe roi ḇefandun kaku.
MOḆSA WAFRUR NA RAI:
-
Wawos roi ḇefrur marisen. Kwinfir fakfuken, fawar ḇekaku, oroḇaido ankinem rosai monda ḇefrur fa ḇerower Au ya imarisen ryower na.
-
Kwinfir farkarkor ḇesrow. Mam pyum insamaido wos Bena ro randak ma roi ḇefnai fa rwama wun farkarkor anya nasnai faro ḇerower Au ya.
-
Fasnai snar farkarkor wun anya nefandun kaku. Rosai wawos na wafrur na fa nasrow faro ḇerower sya fandandun sena. Fandun fa sifawi farkarkor wun anya nafnoḇek si oser-oser.
