Wafnoḇek ḇerower Au ya insama ikofenḇair rosai kyara na. Buk fakfuken ḇefnoḇek i fa ikofenḇair rosai kyara na.

Wafnoḇek ḇerower Au ya insama nya kakara ḇekaku. Wanun faro i insama kyara kaḇer roi ḇefnai fa imbe ifrur roi ḇepyum. Wafnoḇek i insama nya kakara ḇepyum raris saswar faro Yahwe I, min ḇyesi, ma farkarkor ro Refo ya. Wafrur awer rya farkor i, mboi wafnoḇek i fa myam wos anun ro Refo ya. Wafrur awer i fa imai oroḇaido kyara ifrur sasar. Mboi wawos wos ḇefrur i fa syambraḇ insama imarisen ifrur roi ḇepyum.

Wafnoḇek ḇerower Au ya insama kyara monda faro Yahwe I. Fasnai kaku moḇsariso farkarkor ro Refo ya, wos farkin ro Refo, ma Yahwe parenta Ḇyena kam nfasnai Yahwe ima iswar ko ma nya rari ḇepyum ḇesena. Wafnoḇek i fa kyarauser rosai Yahwe kyara na ḇesya kwar ma insama ifrur Yahwe imarisen.