Nggombranuk ro supyado ḇaido sup ḇepnunek, rariryano nggorama nggoso ro fananjur Kristen na ḇesya kwar. Nggosmai samswen ḇebor ma nggombrus snar fararur na, rosai ḇefnai fa Saksi-Saksi Yahwe simarisen sisrow kuker min Kristen sesya?

Ine ipyum faro kerohanian nggoḇena. Paulus danun ḇe snonggaku Kristen sya ’insa sidifyae si’. (Ibrani 10:24) Wos ine fyasnai ”skara pyum”, ḇaido smambir pyum min sesya. Inja Paulus wos ḇyenane nadif inggo fa nggomam pyum ḇese sya. Kuker nggofawi pyum kina Kristen ḇese sya, insape nggofawi ḇeḇeso ro si bisa sibur samswen sismai na, ma bisa sifnoḇek nggo fa nggobur na kako.

Ḇawes ḇaḇebati ḇekain fyoro. Ro fananjur ari, nggoryur, nggomambir pyum si, nggoḇebati yae kwar. Ro swaf eḇese na, nggo kako nggoryur kayamyam. Rosai fainda ro ḇaḇebati ḇemnis rarirya? Nggofarkor fa nggoḇesyowi syadi min nggoḇesi, inja rofandu nggo saswar nggoḇena nako syadi. Rofyor bati nggoḇesya ono sismai samswen ido, nggomarisen nggosaramper si snaro ḇaḇebati nggoḇena nasambraḇ kaku. (Amsal 17:17) Ḇaḇebati kuker naek srar sya kam, nggofasnai ’nggofandun min ḇesesya.’​—1 Korintus 12:25, 26.

Ngganun ḇe Au insa kwinfir bati ḇefrur Allah marisen Ḇyena. Bisa wasrow si ro fandu Saksi-Saksi Yahwe sya. Wamgak awer fa ḇebati kuker inggo.

• Rosai ḇewar fa ḇaḇebati ro fananjur ari ya nun fainda kaku?

• Swaf risai wamarisen mambir pyum naek srar nggoḇesi?