Imnis snonsnon smam ro Balai Karajan, ro diwa sawos Refo ya iso kuker Karajan Allah—tema ro Yesus fararmyan ḇyedi.​—Lukas 8:1.

Moḇ fa seari ro sup oso. Saksi-Saksi Yahwe sya seorganisasi fararur ḇaḇeḇaryas anggangginem ḇeḇye Karajan ro moḇ ine. (Matius 24:14) Balai Karajan ine baba ḇyena naḇesisye yae ma moḇ isnai raya kako, ḇape nakam sḇawes pyum na, ma Balai Karajan ḇebor nane sepake na syadi ro sidang oser. Ro kirine, nggoḇaḇes Balai Karajan ḇebabo na syaran utin ma utin (ras oser Balai ririm) fa ifnoḇek kemajuan ro sidang na. Moḇsa sifrur na rai? —Matius 19:26.

Sḇaḇes na snaro sumbangan sismai na. Farsarser sḇuk nane sfarem na ḇe kantor cabang insa kumpan ansya bisa sepake ro sidang-sidang ḇefandun ḇaḇeḇawes ḇaido bisa sikfrur mnis kaḇer Balai Karajan.

Ḇefararur sya srama ro moḇ risai monda sifararur kuker sne ḇemarisen. Ro moḇ ḇebor na, Kelompok Ḇeso ro Ḇaḇawes Balai Karajan sya sisya. Tim ine sirwas si, sia sifararur ro ras nakam ma siawer ro ras nakam ḇa siwan si ḇe sidang ḇese na ro moḇ oso, ma ḇebinggwan na, insama sifnoḇek sidang ḇero diwa fa sḇawes Balai Karajan sena. Ro moḇ-moḇ ḇese na, Saksi Yahwe ḇeso syarat sya sḇuk fakamaman ḇe si fa smam pyum fararur ro ḇaḇawes na ma faro ḇemarisen ḇefrur mnis kaḇer Balai Karajan na wer. Ro sup oso ḇefararur sine ono sekir syadi simarisen sifnoḇek ro ḇaḇawes na rariryano, ḇar ḇeba sya sima ḇero sidang ani kuker sne ḇemarisen siso ro ḇaḇawes ine. Roi nane ndarirya snaro Yahwe barakas Ḇyedi ro rur ḇesren ya ma kawasa Ḇyesya sifararur kuker sne ḇesiper.​—Mazmur 127:1; Kolose 3:23.

• Rosai ḇefnai fa moḇ nggoḇeari na nggap na ḇe Balai Karajan?

• Moḇsa Balai Karajan ḇebor ḇero supswan ḇesiper nane bisa neḇeḇawes rai?