Wamarisen fa swewar fawawi nabor wer insa nwa fawawi ḇepyum ro Refo ya ke? Wamarisen fa wafawi mnuk oso, snonggaku, moḇ, ḇaido roi oso sap ro Refo na ke? Ḇaido, ro swaf oso kwara moḇsa Refo ya bisa ifnoḇek Au fa mam mnis samswen bena rai? Fandun ido, ḇepake perpustakaan Balai Karajan ya.

Sfasos syap ḇebor bisa koḇuk farkor. Imbude Wasmai publikasi ro Saksi-Saksi Yahwe sena ro wos bena kam ḇa. Ḇape, ro perpustakan Balai Karajan ya syap nakam naisya. Terjemahan Refo na nasya kako, wos ḇebor ḇyena napyum, ma syap ḇebor bisa sḇuki farkarkor na. Bisa ḇepake perpustakaan ine fyor fananjur ari ya ḇaim ḇaido fananjur imnai kwar, komputer nasya ido, na Watchtower Library isya ro dia. Ine iso program komputer ḇeser syap ḇebor na. Ma ḇar sasewar na naisya sepake fa sisrow akurfasnai kuker fakfuken oso, wos, ḇaido mnuk.

Ḇyefainda faro ḇeyun faya ro fananjur ari na ma kankenem ma fararmyan Kristen nggoḇena. Bisa ḇepake perpustakaan Balai Karajan fafisu wafrur fasasos ḇena. Ḇesmai fakamaman ro perpustakaan ine iso pengawas Fananjur Kankenem ma Fararmyan Kristen Koḇena. Nari myam insama syap ḇebabo na naisya ma sfasos mnis na kwar. Bisa ifnoḇek Au ḇaido ḇefarkor Refo ḇe Au ya fa fyasnaiḇair nyan moḇsa Wasmai akurfasnai fandun na. Ḇape, syap na Wun awer na ḇe rum bedi. Ma kokam komarisen fa komam warek pyum syap-syap annane ma kopok fa kofasfas rona.

Refo ya fyasnaiḇair ”insama komambir kaku Allah” fandun fa kosewar ”imnis raris arasai ḇeyokef”. (Amsal 2:1-5) Perpustakaan Balai Karajan bisa ifnoḇek Au fa swewar fawawi naine.

• Syap ḇebor risai monda sfafos ro perpustakaan Balai Karajan?

• Mansei na ḇefnoḇek Au fa ḇepake pyum perpustakaan ine?