Wos ”perintis” ine knam ḇyediso snonggaku ḇerabe moḇ ḇebabo ma ḇefasnai nyan faro snonggaku ḇese sya. Yesus bisa sap i ḇe perintis snaro ryama ḇe supswan fa ḇyaryas ma fyasnai nyan ḇeyun ḇe kankenem. (Matius 20:28) Fafisu ine, manfamyan ḇesouser i sya sepake oras ḇebor sena fa ’sfarkor snonggaku sya fa semanfamyan’. (Matius 28:19, 20) Ma, ḇeḇeso sya sun ro fararur nggap ḇe dinas perintis.

Perintis siso penginjil ro oras nakam. Saksi Yahwe syakam siso manḇaryas Karajan. Ḇape, ono sisya sifrur fasasos fa sfarmyan ḇe perintis biasa, sḇuk oras ri 70 ro paik oser ro ḇaḇeḇaryas ya. Inja, ḇebor sya skinfir fa sfararur ro oras nakam ḇa. Siawer sfarmyan ḇe perintis istimewa ro moḇ ḇefandun manḇaryas. Ro paik oser sḇuk oras ri 130 ḇaido syadi ro fararmyan sena. Perintis sine sikenem imnis roi sismai na monda, ma sikyar snar Yahwe myam mnis fandandun sena. (Matius 6:31-33; 1 Timotius 6:6-8) Ḇefarmyan ro oras nakam sya sfarmyan ḇe perintis ekstra fyor sna swaf ḇepyum, kuker sḇuk oras ri 30 ḇaido 50 ro paik oser ro fararmyan sena.

Simarisen sfarmyan ḇe perintis snar saswar sena ḇe Allah ma min sesya. Imnis Yesus i nggomam snonggaku ḇebor sine sfandun kaku farkankin ro Refo. (Markus 6:34) Ma, nggosmai fawawi fa nggofnoḇek snonggaku sya insa sismai saneraro ro fafisu iyama. Snar saswar faro min sesya simarisen sḇuk oras ma samambraḇ sena kam fa sfarkor snonggaku kuker Allah marisen Ḇyena. (Matius 22:39; 1 Tesalonika 2:8) Bon sismai yaiso, kakyar sena nsambraḇ, sfanam syadi ḇe Allah, ma sismai aski.​—Farfyar 20:35.

• Fasnaiḇair rosai knam ro wos perintis?

• Rosai ḇefrur fa snonggaku riḇeḇeso simarisen sfarmyan ḇe perintis?