Kina Betel ḇefarmyan ro ḇar departemen ḇebor sya sfasasos fararur ḇaḇeḇaryas ro moḇ oso ḇaido syadi. Ono sisya sfarmyan ro ḇar penerjemahan, sifrur syap na, sejilid na, sfarem syap na, sifrur rekaman audio/vidio, ḇaido smam roi ḇesena wer.

Panitia Cabang smam warek fararur risai monda. Raryur Naek Ḇefarkin sya sikyar faro Panitia Cabang sya fa suf fakamaman kuker smam warek kantor cabang, sima penatua ḇena fawawi ḇepyum ro Refo, fyorno ido snonggaku rikior ḇaido syadi. Panitia sine siso na ḇekofenḇair ḇe Raryur Naek Ḇefarkin rosai rirya monda sifrur kwar na ro moḇ smam warek ya, ma kuker samswen imbude na sismai ya. Kafkofenḇair ḇeradirya nafnoḇek Raryur Naek Ḇefarkin sya fa sun snemuk kuker awawos risai nari sawos ro syap ḇebabo ma fananjur ḇaido ro kebaktian. Bewakil ro Raryur Naek Ḇefarkin sya sraker ḇe kantor-kantor cabang fa sḇuk akurfasnai ḇe Panitia Cabang kuker moḇsa sifrur fakamaman sena rai. (Amsal 11:14) Bewakil sine na sawos faya ro munara ḇefandun kaku oso sifrur insama nun fainda ḇe snonggaku ḇeḇarek ro wilayah cabang ani.

Sḇuk wos ḇeyun samambraḇ ḇe sidang. Insama sidang ḇebabo dores naek ḇesmai fakamaman ro kantor cabang fandun fa sna wos oser kuker roi ine. Smam warek kako fararur ro perintis, misionaris, ma pengawas wilayah ḇefarmyan ro cabang ani. Sfasos kebaktian, smam fararur ḇaḇeḇawes Balai Karajan ḇebabo, ma smam pyum insama sfarem syap na fasaw ḇe sidang ḇefandun na. Snar fafnoḇek ro kantor cabang inja fararur ḇaḇeḇaryas ya imbran kuker pyum ma famfnom ḇa.​—1 Korintus 14:33, 40.

• Rariso Panitia Cabang sḇuk fafnoḇek faro Raryur Naek Ḇefarkin sya rai?

• Rosai monda sifrur ro kantor cabang ya?