Ro Balai Karajan na Allah snonsnon ḇesren Ḇyedi sfas I ro diwa. Inja komarisen komam pyum Balai Karajan ya fa isren, ipyum, inggofaduru pyum i snar iso fakamaman ḇeba ma ḇar ḇefandun kaku ro ḇaḇeari nggoḇedi. Nggofararur kayam fa kofrur sren na.

Kuker nggomarisen nggakso fa nggakfrur sren moḇ ya fyor fananjur ya imnai kwar. Fananjur ya imnai ramnai, naek srar simarisen sifrur sren ma sfasos kaḇer Balai Karajan. Ro minggu oser naek srar sya na sfararur kayam fa sifrur sren na kako. Penatua ḇaido hamba pelayanan oso nari ikofenḇair rosai monda fandun fa sifrur sren na, fyorno ido siso akurfasnai sifrur kwar. Imnis raris, ono sisya simarisen fa sifrur sren lantai na, sifrur sren bangku, wc, kaca ma fanin, sisawen papus, ḇaido sifrur sren kintal na. Ro taun oser, sfasos kwar fa sna oras oser insama sifrur sren Balai Karajan ine kam. Roma mgun sya kako sakfararure, inja bisa sifawi snar fandun fa smam pyum moḇ koḇeari na.​—Pengkhotbah 5:1.

Fyor moḇ ono namnis ḇa ido nggomarisen nggofrur mnis na wer. Ro taun oser, na nggomam pyum ḇar ono namnis ḇa ro bandum ma bondi i ke roḇa. Balai Karajan ya, ramnai nari nggun snemuk fa nggofaduru na fa napyum pdef insama nggosasyar kumpan nabor awer faro roiebor nggofandun manggenem ḇa na. (2 Tawarikh 24:13; 34:10) Balai Karajan ḇesren ma ḇepduk iso moḇ ḇepyum fa koḇukisyom Allah nggoḇedi. Kuker nggoso mnis fasasos ine, nggofasnai snar nggoswar kaku Yahwe I ma nggoḇesyowi moḇ ine. (Mazmur 122:1) Roi ine kako nḇuk fawar ḇepyum ro snonggaku ḇeḇarek fanam kuker Balai Karajan ya.​—2 Korintus 6:3.

• Rosai ḇefnai fandun fa nggomam warek moḇ koḇeari ya?

• Fasasos rosai monda nggofrur fa nggofaduru pdef Balai Karajan na?