Fyor Yesus imar ḇaim, ikofenḇair ḇe manfamyan ri fiak ḇyeskoya iso—Petrus, Yakobus, Yohanes, ma Andreas. Fafisu ḇyuk ḇardadi ḇefasnai kuker rarama ḇyedi ro ras-ras ḇepupes ine, Yesus ḇyuk fakfuken ḇefandun kaku oso, ”Manfamyan mansei ḇeḇesyowi ma ḇefawinananem, ikada tuan ḇyedi ikanow i fa myamwarek snonkaku ḇyesi ma ḇyuk nanan faro si ro fafisu ya?” (Matius 24:3, 45; Markus 13:3, 4) Yesus ḇyuk kakyar ḇe manfamyan ḇyesya doḇe ḇye ’tuan’ ḇesi, nari fyasos snonggaku ono fa sfasos anan rohani faro manfamyan ḇyesi ro ras-ras ḇepupes ine. Mansei manfamyan sine?

Manfamyan sine siso Yesus manfamyam ḇyesi ḇesmai ramrem kuker rur ḇesren ya. Manfamyan sine sifawi siḇe Raryur Naek Ḇefarkin ro Saksi-Saksi Yahwe. Manfamyan sine sfasos anan rohani ḇesrow faro Yahwe kawasa Ḇyesya. Nggosmai anan ro manfamyan ḇesoauser ansine snar siso ’ḇefasos anan ro swaf ḇemnis’.​—Lukas 12:42.

Manfamyan sine smam faduru Allah kina Ḇyesi. (1 Timotius 3:15) Yesus ḇyuk fakamaman ḇeba faro manfamyan ḇesoauser ansine fa sfasos fararur ro Yahwe organisasi Ḇyedi ḇero supswan, sḇuk akurfasnai faro fararur ḇaḇeḇaryas, ma sḇuk farkarkor roro sidang na. Inja sfasos roi nggofandun na ro oras ḇemnis, ”manfamyan ḇesoasuser ma ḇefawinanem sine” sḇuk anan rohani roro syap nggoḇepake ro ḇaḇeḇaryas na, ma kako faro roi na nggofarkor ro fananjur ari ma kebaktian na.

Manfamyan sine sisoasuser kakaku ḇero Refo ya fararur sena iso sḇaryas anggangginem ḇeḇye, sna fawawinanem fa smam Kristus fandandun ḇyena ro supswan. (Farfyar 10:42) Yahwe ḇyebarakas fararur sena inja fararur ine isur pyum ma nggosmai anan rohani ḇesya kwar.​—Yesaya 60:22; 65:13.

• Manseiso Yesus ikyar fa ḇeḇuk anan rohani ḇe manfamyan ḇyesya?

• Rosai ḇefnai fa manfamyan sine sap siḇe ḇesoasuser ma ḇefawinanem?