Rofyor rim ḇeba ya myun, Yahwe organisasi ḇyedi fyasyos ḇeri roi sfandun na ma ḇyuk fafnoḇek ḇe naek srar ḇesmai rim ḇeba sya. Roi ine nfasnaiḇair snar nggoswar kaku naek srar nggoḇesi. (Yohanes 13:34, 35; 1 Yohanes 3:17, 18) Kuker nyan risai nggofnoḇek si?

Nggoḇuk kumpan. Fyor basbiser ya myun ro Yudea, snonggaku Kristen abad randak ro Antiokhia sifrur fasasos insama bisa sifnoḇek naek srar ḇesmai anan ḇa sine kuker sfarem kumpan ḇesi. (Farfyar 11:27-30) Rarirya kako, rofyor nggorower snar naek srar ro sup ḇese sismai samswen ido, nari nggofarem kumpan roro sidang besi insama bisa sḇuk fafnoḇek ḇe mansei monda ḇefandun fafnoḇek ya.​—2 Korintus 8:13-15.

Sfasos fafnoḇek ḇepyum kaku. Penatua ro moḇ ani nari syewar fa ifawi naek srar sya oser-oser skain pyum ke aroḇa. Ramnai nari Panitia Bantuan Kemanusiaan sfasos fa sḇuk roḇean, war, sansun, moḇ na sḇarek ya, ma bantuan medis. Ḇebor ro naek srar ḇesmai fawawi sya simarisen sraḇe moḇ ani kuker kumpan manggun sena fa sifnoḇek naek srar sesi ma sifrur kaḇer rum ma Balai Karajan ḇemgok kwar na. Snar nggoḇeoser ma nggofararur kayam ro organisasi nggoḇedi, inja bisa nggofararur fasaw fa nggofnoḇek naek srar sya. Nggoḇuk fafnoḇek faro ’min nggoḇesi ḇesmai kakyar oser’ rariryano, nggoḇesewar kako fa nggofnoḇek ḇese sya kako, nggomam ro agama sena ḇa.​—Galatia 6:10.

Sḇuk wos ḇeyun samambraḇ ma sneprei. Ḇesmai rim ḇeba sya sfandun kaku wos sneprei. Ro swaf ḇeradia, nggosmai samambraḇ ro Yahwe snar, ”Allah ḇeḇuk samambraḇ sne faro snonkaku”. (2 Korintus 1:3, 4) Nggomarisen nggofawar fawar ḇepyum ro Refo faro snonggaku ḇesanekar sya, nggoḇuk kakyar besi snar Karajan Allah monda na ḇefrur mnai kandera ma roi ḇefrur fa koḇe kandera ya.​—Fasasna 21:4.

• Rosai ḇefnoḇek Saksi Yahwe sya fa sfararur fasaw fyor rim ḇeba ya myun?

• Wos ḇeyun sneprei rosai bisa koḇuk ḇe ḇesmai rim ḇeba sya?